ගෙවත්තේ දිරායන කොල අතර, දිරායන ගසක පොතු අතර හෝ ඇතම් විට ගෘහාශ්‍රිත අපිරිසිදු ස්ථාන වල කඩිසරව එහා මෙහා දිව යන පත්තෑයින් ඔබ කොතෙකුත් දැක ඇති. සන්ධිපාදකයින් අයත් වන Arthropoda වංශයේ ciliopoda කුලයට අයත් වන පත්තෑයා මාශ භක්ශකයෙක් (කුඩා කෘමි සතුන් ආදිය). ඌ තම ගොදුරු අඩපණ කර ගැනීමට ප්‍රෝටීනමය විෂක් (venom) භාවිත කරනවා.
අනතුරු,ආසාද්මිකතා මෙන්ම වයස්ගත වීම ඇතුළු එකී නොකී හේතු නිසාවෙන් ලොව පුරා දරුණු ලෙස වේදනා විදින්නන් ගණන අති විශාලයි. එහෙත් මෙවන් උග්‍ර වේදනා සමනය කිරීමට යොදා ගත හැකි, කාර්යක්ෂම හා අතුරු අබාධ වලින් තොර වේදනා නාෂක ගනන අතේ ඇගිලි ගනනටත් වඩා අඩුයි. ඉතා දරුණු ඝනයේ වේදනා වලින් පීඩා විදින්නන් හට බොහෝ විට නියම කරන ප්‍රබලතම ඖෂධය වන්නේ මෝෆීන් (morphine) වේ. මෝෆීන් (morphine) යනු අපි කවුරුත් හොදින් අසා ඇති හෙරොයින් (heroine)(di-morphine) වල ව්‍යුත්පන්න ආකාරයක් වන බැවින් හෙරොයින් වල ඇති ඇබ්බැහිකාරක ගුණ එහි ව්‍යුත්පන්න ආකාරයක් වන මෝෆීන් (morphine) වලද යම් තාක් දුරකට අන්තර්ගත වනවා. මේ නිසාම හෙරොයින් මෙන්ම මෝෆීන්ද අන්තරයකාරි ඖෂධ (narcotic drugs) ඝණයට ඇතුලත් කර තිබෙනවා.
මේ හේතුවෙන් වඩාත් කාර්යක්ෂම වේදනා නාශකයක් සොයා ගැනීමට විද්‍යාඥයින් බොහෝ සෙයින් වෙහෙසුනු අතර, උත්සාහය මල් ඵල ගන්වමින් චීනයේ වෙසෙන හිස රතු පත්තෑයාගේ විෂෙන් මොර්ෆීන් වලටත් වඩා කාර්යක්ෂම වේදනා නාශකයක් සොයා ගැනීමට මේ වන විට හැකිව තිබෙනවා.
චීනයේ වෙසෙන රතු පත්තෑයින් ගේ දෂ්ඨ කිරීමෙන් පසු ඇති වන ව්‍යාකූල තත්වය පිලිබද අවධානය යොමු කරන විද්‍යාඥයින්,පත්තෑ විෂෙන් මෙම පෙප්ටයිඩය(ප්‍රෝටීනය ) වෙන් කර හදුනා ගැනීමට සමත්ව තිබෙනවා. එය ඇමයිනෝ අම්ල 48 ක දිගින් යුක්ත සරල එකක් වන අතර, මිනිස් සිරුරේ වේදනා ප්‍රතිග්‍රාහක අඩපණ කිරීමට සමත්. මේ හේතුවෙන් මෙය ප්‍රභල වේදනා නාශකයක් ලෙසින් වැඩි දිණු කරමින් පවතින අතර නුදුරු අනාගතයේ ජනතා සුභ සිද්ධිය උදෙසා භාවිත කල හැකි වනු ඇති.

references
Nature (13th october 2013)
http://www.independent.co.uk/voices/iv-drip/centipede-venom-could-be-more-effective-pain-killer-than-morphine-8859650.html