හ්ම්ම්ම්ම් ගොඩ කාලෙකට පස්සේ තමයි මට අපේ blog එකට post එකක් ලියන්න හම්බුනේ… මාස දෙකක්ම අධික වැඩ රාජකාරි මධ්‍යයේ තමයි හිටියේ 😀 මම දිගු විරාමයකට පස්සේ හා පුරා කියල මගේ නවතම නිර්මාණය ඔයාලට දෙන්න තමයි සුදානම් වුනේ.
ආදරේ ගැන මම ගොඩක් කවි ලියල තියෙනවා නමුත් වසර ගණනාවක් තමන්ගේ පෙම්වතිය සමග තමන්ගේ උපන් දිනය සමරපු පෙම්වතෙක්ට මෙවර ඔහුගේ උපන් දිනය එතරම් සුන්දර දවසක් වුනේ නැහැ.මොකද වසර ගණනක් තමන් සමඟ ආදරෙන් හිටපු ප්‍රියාවිය දැන් ඔහුව හැර ගිහින් … ඔහුට දැන් මොකද හිතෙන්නේ … මට හිතුනා ඔහුගේ සිතුම් මගේම පද පෙළකට සිත්තම් කරන්න… ඔයාලත් ඔහුගේ හැගීම ග්‍රහණය කරගනීවි කියල මම හිතනවා.
අතීතෙ දවසක මෙවන්
ඔබත් උන්නා මා ලඟින්
අරන් ගොන්නක් සුබ පැතුම්
සුබ උපන් දිනයක් කියන්
වෙහෙරක් තරම් මට සෙත් පතන්
සයුරක් තරම් සෙනෙහස අරන්
ලඟ උන්නු දින ගැන සිහි කරන්
තව උපන් දිනක් ඇවිත්
දින සති ලෙසින් කල් ගත උනත්
ඔබ නොපෙනෙනා දුර ගිය නමුත්
ඔබ ගැනම යලි යලි විමසමින්
තව උපන් දිනයක් ඇවිත්
Image source – http://3.bp.blogspot.com