මතකයේ සැමරුම් ……

Share

ds

හ්ම්ම්ම්ම් ආදරය…. ඇත්තෙන්ම ආදරය හරිම පුදුම දෙයක්.සමහරු එය විදිනවා, ඒ අතරේ සමහරු එය විදවනවා.කොල්ලෙක් තමන්ගේ ජීවිතේ ජයගන්න උසස්පෙළ කඩ ඉම පහුකරලා විශ්ව විද්‍යාලයට එනවා.ඒ අතරතුරේ ඒ කොල්ලට මේ වයසේ හැමෝම වගේ විදින ආදරේ දැනෙන්න පටන් ගන්නවා.ඔහුට ආදරේ කරන්න යුවතියකුත් හම්බෙනවා ටිකෙන් ටික කාලේ ගත වෙනවා.දැන් හතරවෙනි වසර, විශ්ව විද්‍යාල ජීවිතයේ. මේ අතරතුරේ ඉතාම දරුණු ආරංචියක් කොල්ලට දැනගන්න ලැබෙනවා.ඒ මොකක්ද? තමන් පණ වගේ ආදරේ කරපු කෙල්ලට ගෙදරින් විවාහ යෝජනාවක් ඇවිත් කියල.කෙල්ලටත් කරකියා ගන්න දෙයක් නැහැ.කෙල්ලටත් හොදටම අවුල්.දැන් මොකද වෙන්නේ?ඒ කොල්ලගේ හිතේ ඇතිවුණු හැගීම කොහොමද කියල මට ලියන්න හිතුන……

මතකයේ සැමරුම් ……

ලිහියන්න එක මොහොතයි
එක්ව බැදුණු අපේ අතැගිලි
සිනාසෙන්න එක මොහොතක්
පිසදා ඔය උණු කඳුළැලි

මෙතෙක් දුරක් එක්ව පැමිණි
ගමන වේවි මෙතකින් නිමි
මේ අන්තිම මොහොතයි මට
දකින්න හැකි ඔබේ හසරැලි

කඳුළු වලට නොදී ඉඩක්
අතරේ අපේ නෙතු පියවිලි
නන්නාදුනනා දෙදෙනෙකු
වී අපි ඉමු මේ භවයේදී