විද්යා පීඨයේ ශාක විද්යා සංගමය විසින් වාර්ෂිකව සංවිධානය කරනු ලබන ප්රජා සත්කාර වැඩසටහන සහ ශාක විද්යා අංශයේ වාර්ෂික ක්ෂේත්ර චාරිකාව පසුගිය ඉල් මස 29 හා 30 යන දෙදින තුළ පැවත්වුණා. එම වැඩසටහන් දෙකම අති සාර්ථකව නිම කිරීමට හැකිවීම පිළිබඳ එහි මූලික බර කරට ගෙන කටයුතු කල ශාක විද්යා සංගමයේ සංවිධායක මණ්ඩලය වශයෙන් අපට ඇත්තේ මහත් සතුටකි.
ප්රජා සත්කාර වැඩසටහන යටතේ මාතර, අකුරැස්ස ලේනම කණිෂ්ඨ විද්යාලය සඳහා අවශ්ය පහසුකම් සපයා දීම සිදු කෙරුණා. මෙම පාසල තෝරා ගැනීම සඳහා අපට සහය දුන්නේ අකුරැස්ස කළාප අධ්යාපන කාර්යාලයේ නිළධාරී මණ්ඩලයයි. ලේනම කණිෂ්ඨ විද්යාලයේ විදුහල්පති එන්. සමරවීර මහතා ඉන්පසු ක්රියාකාරීව දායකත්වය සපයමින් පාසලට තදින්ම අවශ්ය වී තිබුණු පහසුකම් කිහිපයක් අපවෙත දැනුම් දුන්නා මෙන්ම ඉන්පසු අපත් සමඟ සම්බන්ධතාවයන් පවත්වාගනිමින් ඉතා හොඳ සහයෝගයක් ලබා දුන්නා. ඒ අනුව විද්යාලයට අත්යවශ්යව පැවති පානීය ජල සපයා ගැනීම මෙන්ම අනෙකුත් අවශ්යතා සඳහා ලිඳක් සහ මෝටර් පද්ධතියක් ද, ප්රාථමික අංශය සඳහා විදුලි බලය ලබා දීම ද සෞන්දර්යය අංශය සඳහා අවශ්ය සංගීත භාණ්ඩ කිහිපයක් ලබා දීමද යන භාරදූර වගකීම අපට පැවරුණා.
ඉන්පසු ඉතාම උනන්දුවෙන් හා වගකීමෙන් කටයුතු කල අපහට රුපියල් එක්ලක්ෂ හැත්තෑ දහසකට ආසන්න මුළු වටිනාකමකින් යුතු භාණ්ඩ හා මුදල් ප්රමාණයක් එක් රැස් කර ගැනීමට හැකියාව ලැබුණා. මෙම කර්තව්ය සඳහා ශාක විද්යා අංශයේ ආචාර්ය මණ්ඩලයෙන් ලැබුණු සහය ගැන විශේෂයෙන්ම මතක් කලයුතු වෙනවා. ශාක විද්යා අංශයේ අංශාධිපතිනිය වන ආචාර්ය සුධීරා රන්වල මහත්මිය, ශාක විද්යා සංගමයේ ජේෂ්ඨ භාණ්ඩාගාරිකතුමිය වන ආචාර්ය ප්රදීපිකා සපුතන්ත්රී මහත්මිය සහ අනෙකුත් සියළුම ආචාර්ය මණ්ඩලයේ ගුරු මහත්ම මහත්මීන්ගේ මුදල් ආධාර මෙන්ම නොමඳ සහය අපවෙත ලැබුණා. අවශ්ය ලියකියවිලි සකසා ගැනීමට මෙන්ම නිසි මඟපෙන්වීමෙන් කටයුතු කිරීම ගැන ඒ සියළු දෙනාට අප බෙහෙවින්ම ස්තුතිවන්ත වෙනවා.
එමෙන්ම විද්යාපීඨයේ පීඨාධිපතිතුමා ගැන විශේෂයෙන් මතක් කලයුතු වෙනවා. එතුමාගේ සහය අපහට නොලැබුණා නම් මේ කටයුත්ත කිසිවිටෙකත් අපට සාර්ථක කර ගත නොහැකි වෙනවා. එමෙන්ම කටයුත්ත සඳහා විශ්වවිද්යාල බස් රථය මෙන්ම අනෙකුත් අවශ්යකා සපයා දුන් කොළඹ විශ්ව විද්යාලයේ ජේෂ්ඨ ලේඛකාධිකාරිතුමා ඇතුළු අනෙකුත් සියළුම කාර්ය මණ්ඩලයට අපගේ ස්තුතිය පුද කර සිටිනවා.
එමෙන්ම මුදල් ආධාර මෙන්ම විවිධ ආකාර වලින් සහය ලබා දුන් ව්ද්යාපීඨයේ සියළුම අංශවල අධ්යන කාර්ය මණ්ඩලයේ සාමාජික මහත්ම මහත්මීන්ටද අනධ්යන කාර්ය මණ්ඩලයේ සියළුම සාමාජිකයින්ට ද, විද්යා පීඨයේ සියළුම ශිෂ්ය ශිෂ්යාවන්ට ද නන් අයුරින් සහය ලබාදුන් සියළුම දෙනාටද ඉතා ගෞරවයෙන් ස්තුතිය පුද කර සිටිනවා. විශ්ව විද්යාලයෙන් අප හට රුපියල් හැට දහසකට අධික මුදල් ආධාර ප්රමාණයක් එකතු කර ගැනීමට මේ සියලුම දෙනාගේ සහය අප හට ලැබුණා.
ඒ සඳහා ව්යාපාරික බවතුන්ගේ නොමඳ සහයද අප වෙත ලැබුණා. ලිඳ සහ ප්රාථමික අංශයට විදුලි බලය ලබා දීම සඳහා අවශ්ය වන බොහොමයක් භාණ්ඩ අප හට එම ව්යාපාරික බවතුන් විසින් ලබා දුන්නා. ඒ ආයතන වල මහත්ම මහත්මීන්ටත් අප ස්තුතිය පුද කර සිටිනවා. මේ අයුරින් අපවෙත ලැබුණු නොමසුරු දායකත්වයන්ගෙන් ළිඳ සහ මෝටර් පද්ධතිය සහ විදුලි බලය සඳහා අවශ්ය භාණ්ඩ හා උපකරණ ලබා ගත්තා. රුපියල් හතලිස් පන්දහසකට ආසන්න වටිනාකමකින් යුතු පෙරදිග සංගීත භාණ්ඩ මිලදී ගැනීමට ද අප වෙත ලද ආධාර මුදල් වලින් අපට හැකි වුණා.
සියළුම කටයුතු සූදානම් කර ගැනීමෙන් අනතුරුව පසුගිය 29 වන දා අප ලේනම කණිෂ්ට විද්යාලය බලා පිටත් වුණේ ලිඳ සහ ප්රාථමික අංශයේ විදුලි පද්ධතිය විවෘත කිරීමේ අරමුණ ඇතිවයි. මෙහිදී විදුහල්පතිතුමා ඇතුළු අනෙකුත් ආචාර්ය මණ්ඩලය ඉතා විශාල උත්සවයක් ඒ සඳහා සූදානම් කර තිබුණු අතර අපව ඉතා ගෞරවයෙන් ඒ සඳහා පිළිගනු ලැබුවා. ශාක විද්යා අංශය වෙනුවෙන් ශාක විද්යා අංශයේ හිටපු අංශාධිපතිණී මහාචාර්ය ශාමලා තිරිමාන්න මහත්මියත්, ආචාර්ය හෂේන්ද්රා කත්රිආරච්චී මහත්මියත්, ආචාර්ය චන්ද්රිකා නානායක්කාර මහත්මියත්, ජිනේන්ද්රා දිසානායක මෙනෙවියත් කණිෂ්ඨ අධ්යන මණ්ඩලයේ සාමාජිකයින් හා ශාක විද්යා සංගමයේ සාමාජිකයින් මෙම වැඩසටහන සඳහා සහභාගී වුණා.
උදෑසන ඉතා ප්රණීත ආහාර වේළකින් අපට සංග්රහ කිරීමට එම විද්යාලයේ ආචාර්ය මණ්ඩලය මෙන්ම දරුවන්ගේ දෙමව්පියන් කාරුණික වුණා
ඉන්පසු ජාතික ගීය ගායන කිරීමෙන් අනතුරුව උත්සවය ආරම්භ කෙරුණු අතර මහාචාර්ය ශාමලා තිරිමාන්න මහත්මියගේ සුරතින් පාසලට මංගල දියවර ලබා දීම සිදු කෙරුණා.
ඉන්පසු ප්රාථමික අංශය සඳහා ආලෝකමත් කිරීම සඳහා අවශ්ය විදුලි බල පද්ධතිය ක්රියාත්මක කෙරුණේද මහාචාර්ය ශාමලා තිරිමාන්න මහත්මියගේ සුරතිනුයි.
පොල්තෙල් පහණ දැල්වීමෙන් අනතුරුව උත්සවයේ ඉදිරි වැඩකටයුතු ආරම්භ වුණා
ඉන්පසු පැමිණ සිටින අමුත්තන් කිහිප දෙනෙක් සභාව ඇමතූ අතර දරු දැරියන්ගේ දක්ෂතා රැගත් නැටුම් ගැයුම් කිහිපයක්ද ඉදිරිපත් කෙරුණා. එහිදී විද්යාලයේ ගුරුමණ්ඩලයේ කිහිප දෙනෙක්ද සභාව ඇමතූ අතර අපගේ මහඟු සද්කර්තව්යයේ වටිනාකම මෙන්ම ඒ සඳහා ඔවුන්ගේ පැවති අවශ්යතාව සහ අඩුපාඩුවද විස්තර කර දෙනු ලැබුවා. මෙය පැමිණ සිටින සියළු දෙනාටම හැඟීම්බර අවස්ථාවක් වූ අතර අප ලද ජයග්රහණය ගැන සියුම් සතුටක් මෙන්ම ආඩාම්බරයක් ද සිත් තුළ ජනිත කරන්නට ඒ කථාවන් සමත් වුණා.
ඉන් පසුව සංගීත භාණ්ඩ බෙදා දෙනු ලැබුවා.
උත්සවය නිමා වීමෙන් අනතුරුව ක්ෂේත්ර චාරිකාව ආරම්භ කෙරුණා. එහිදී හම්බන්තොට මිරිජ්ජවිල වියළි කළාපීය උද්භිද උද්යානය නැරඹීම මූලික තැනක් ගනු ලැබුවා.
ඉන්පසු හම්බන්තොට වරාය නැරඹීමටද මෙය අවස්ථාවක් කරගත්තා.
එදින රාත්රියේ නවාතැන් ගත්තේ බෝගහපැලැස්ස සංචාරක බංගලාවේ ය.
පසුදින උදෑසන 5ට පමණ චාරිකාවේ ප්රධානතම අංගය වන යාල ජාතික වනෝද්යානය නැරඹීමට යන ලදි. එහිදී සුවිශේෂී සතුන් විශාල ප්රමාණයක් දැක ගැනීමට හැකි වූ අතර කලාතුරකින් දැක ගැනීමට හැකි සතුන් වන අලියා, දිවියා දැක ගැනීමට ලැබීම විශේෂ කරුණක් වුණා.
මෙහිදී ඉතාමත්ම සුවිශේෂී කරුණක් වූයේ ගොඩබිමට ඉතාම ආසන්නයෙන් පිහිනා ගිය ඩොල්ෆින් මසුන් කණ්ඩායමක් මුණ ගැසීමයි. එය එම මුහුදු වෙරලේ අතිශයින්ම විරල දර්ණයක වූ අතර අප සමඟ ගමන් ගත් සෆාරී රථ වල රියදුරු මහතුන්ද එම දර්ශණාය දුටු පළමු අවස්ථාව එය විය.
යාල වනෝද්යානය නැරඹීමෙන් අනතුරුව යෝධ වැවට සම්බන්ධ දර්ණීය ඇලක් වන යෝධ ඇලෙන් අප සියළු දෙනාම ස්නානය කිරීම චාරිකාවේ විනෝදජනකම අවස්ථාවක් විය. ඉන්පසු දිවා ආහාරයෙන් අනතුරුව නැවත කොළඹ බලා පිටත් විය.
සියළුම කටයුතු ඉතාම සාර්ථකව අවසන් වූ අතර එම කාර්යයන් සාර්ථක කර ගැනීමට උපකාර කල සියළු දෙනාටම නැවතත් ස්තුතිය පුද කර සිටිනවා. එමෙන්ම චාරිකාව සඳහා අප සමඟ එක් වූ ශාක විද්යා අංශයේ ආචාර්ය මණ්ඩලයේ මහත්මීන්ට ද කණිෂ්ඨ අධ්යන මණ්ඩලයේ මහත්ම මහත්මීන්ටද තුන් වන වසර සහෝදර සහෝදරියන්ට ද අප බෙහෙවින්ම ස්තුතිවන්ත වෙනවා.
පුබුදු නවරත්න
උප සභාපති – ශාක විද්යා සංගමය 2014/2015