Canekeratne Prize for General Merit – චාරුණි පත්මේස්වරන්

Blog Team 1 Comment

කොළඹ විශ්වවිද්‍යාලයීය විද්‍යා පීඨයේ 2016 වසර සඳහා වූ උපාධි ප්‍රදානෝත්සවය 2017, අගෝස්තු මස දෙවන දින කොළඹ බණ්ඩාරනායක අනුස්මරණ ශාලා පරිශ්‍රයේ දී පැවැත්විණි. මෙහිදී කොළඹ විශ්වවිද්‍යාලයේ Canekeratne Prize for General Merit හිමි වූයේ චාරුණි පත්මේස්වරන් සොයුරියටයි. ඇයත් සමඟ සුහද කතාබහක යෙදෙන්නට FOS Media අපට අවස්ථාව ලැබුණා.

  • ඔබේ පාසල් කාලය ගැන මතකය අවදි කළොත්…….

මගේ පාසල වුණේ කොළඹ බිෂොප් විද්‍යාලය. පාසල් කාලයේදී මම ගොඩාක් බාහිර වැඩවල නිරත වුණා. School Magazine Committee එකේ හිටියා. පාසල් විවාද කණ්ඩායමේ සමාජිකාවක්. ඒ වගේම ටෙනිස් ක්‍රිඩාවේත් නිරත වුණා. පාසලේ නියොජ්‍ය ශිෂ්‍ය විධායකවරියක් වශයෙනුත් වැඩ කළා.

  • A/Lවලදී ජීව විද්‍යාව තෝරා ගැනීමේ දී වෛද්‍යවරියක් වීමේ අරමුණක් තිබුණා ද ?

ඇත්ත ම කිව්වොත් මට කලා විෂය ධාරාවෙන් ඉගෙන ගන්න ආසාවක් තිබුණා. නමුත් ආදාළ විෂයන් පාසල තුළ නැති නිසාත්, ජීව විද්‍යාවට උනන්දුවක් තිබුණ නිසාත් මම ජීව විද්‍යාව තෝරා ගත්තා. වෛද්‍යවරියක් වෙන්න නම් ආසාවක්  තිබුණේ නැහැ.

  • A/L ප්‍රතිඵල කොහොම ද ?

පළමු වර තිබුණු ප්‍රතිඵල නම් ප්‍රමාණවත් වුණේ නෑ campus select වෙන්න , ඒ හින්දා දෙවන වරත් විභාගයට මුහුණ දුන්නා.

  • දෙවන වර විභාගයට මුහුණ දෙද්දී මොන වගේ හැගීමක්ද ඇති වුණේ ?

පළමු වර ප්‍රතිඵල මම බලාපොරොත්තු වුණ විදියට නො ලැබුනාම මම ගොඩක් ඒ ගැන පසුතැවුණා. දවස් ගානක් ඇඬුවා, ඒත් අද මං ඉන්න තැන දැක්කම මට ඒ ගැන පසුතැවීමක් නැහැ. එදා මම ඒ තත්ත්වයට මුහුණ දුන් විදිය ගැන ආඩම්බර වෙනවා.

  • Campus එන්න කලින් Campus ගැන තිබුණේ මොන වගේ අදහසක් ද ?

පාසල තුළ නො තිබුණ නිදහසක් campus එක තුළ තියෙනවා කියලා හිතුණා. පාසලේ දී නම් අපි ගැන හැමෝම හොයලා බලනවා. නමුත් campus ආවම අපිට ස්වාධීන වෙන්න අවස්ථාවක් ලැබෙනවා කියලා හිතුණා. ඉතින් campus ආපු මුල් දවස්වල නම් අපිට ඒ නිදහස නො ලැබුණත් ටික කාලයක් ගියාම ඒ නිදහස අත්විඳින්න ලැබුණා. Campus එකේ තියෙන් ඒ සීමාරහිත සමාජයට සහ ඒ නිදහසට මම අදටත් ගොඩක් කැමති. ඒ වගේම ඒ නිදහස මම හොඳින් අත්වින්ඳා.

  • Campus ඒකේ academic වැඩ විතර ද කළේ ?

නැහැ, මම පාසල් කාළයෙ දී ටෙනිස් ක්‍රීඩාව කරපු නිසා campus එකෙත් ටෙනිස් කළා. ඊට අමතරව මම FOS MEDIA , Gavel Club සහ BEEZ එකෙත් සාමාජිකාවක්.

  • Academic වැඩත් බාහිර වැඩත් කොහොම ද සමබරව කළේ ?

First year ඉඳන්ම මගේ වැඩවලට මගේ යහළුවෝ උදව් කළා. මම සාමාන්‍යයෙන් lectures cut කළේ ම නෑ. පුළුවන් හැම වෙලාවෙම lecturesවලට ගියා. Academic  වැඩවලට බාධා නො වෙන විදියට තමයි බාහිර වැඩවලට සහභාගී වුණේ. ටෙනිස්  practices  තිබුණේ උදේ සහ හවස නිසා ඒක academicවලට බාධාවක් වුණේ නැහැ. Inter-uni ළං වෙද්දි මට වැඩ අතපසු වුණත් මගේ යහළුවෝ ඒවා සම්පුර්ණ කරගන්න උදව් කළා.

  • Academic වැඩ කරද්දි විශේෂ ක්‍රම අනුගමනය කළා ද ?

මම පොඩි කාළේ ඉඳන්ම To-do list එකක් පවිච්චි කළා. එදාට කළ යුතු වැඩ වල list එකක් මම ගාව තිබ්බා. ඒ වගෙම lectures  ගිහින් ඒ වෙලාවේ සටහන් කරගන්න දේවල් ගොඩාක් වටිනවා. ඒ වගෙම මං short notes ලියන්න පුරුදු වෙලා හිටියා. ඊට අමතරව යළුවොත් එක්ක එකතු වෙලා කරපු group discussion මට ගොඩක් වැදගත් වුණා. එතන දී මට නො දන්න දේවල් දැනගන්න වගේ ම යහළුවන්ට උගන්වන්නත් අවස්ථාවක් ලැබුණා.

  • Academicවලදී පසුබෑමුත් ඇතිනේ, එවැනි අවස්ථාවලදි ඔබ කොහොම ද ඒවට මුහුණ දුන්නේ ?

මට මතකයි මට එක පාරක් chemistry practicals වලට D තිබුණා. ඒ වගේම first year genetic practical මම repeat වුණා. ඉතිං මම ඒ මොහොතවල්වලදි  ගොඩක් මානසිකව වැටුණා. මට යළුවො ඕන තරම් හිටියට මං ඒ අවස්ථාවලට තනියම තමා මුහුණ දුන්නේ. ඒ වෙලාවේදි මං හිතපු දේ තමා result නෙමෙ අපේ ජීවිතේ වැදගත්ම දේ හොද මනුස්සයෙක් වෙන දේ තමා වැදගත් වෙන්නේ. ඉතිං මට ඒ දෙවල් අමතක කරලා ඉදිරියට හොදින් මුහුණ දෙන්න පුළුවන් වුණා.

  • FOS Media හි reporter කෙනෙක් විදියට ඔබ ක්‍රියාකරි ව හිටියානේ?

2013 දී හිරාන් ජයවීර සර් සහ මුදිත බණ්ඩාර සර් තමයි blog එකක් විදියට FOS Media Blog ආරම්භ කළේ. ඉතිං ඒක මට හොඳ අවස්ථාවක් වුණා මගේ අදහස් ප්‍රකාශ කරන්න. මම මුල් කාලයෙ දී scientific issues සම්බන්ධවත් special කරද්දී මගේ විෂයට අදාළවත් අවසන් වසරේදී මගේ campus ජීවිතය සම්බන්ධවත් article, ගොඩක් ආසවෙන් blog එකට ලිව්වා.

  • Blog එකේ පළවුණු පළමු article එක මතක ද ?

ම්….. ඔව්, මගේ පළවෙනි blog article එක වුණේ.., කිරිවලට මෙලනින් මිශ්‍ර වීම ගැන ලියපු ‘MILK MIXED’ article එක.

  • ඔබ Gavel Club ආරම්භ කිරීමට මූලික වුණ සාමාජිකාවක්නේ, ඒ ගැන මතක් කළොත්….

ඔව්, අපි 7 දෙනෙක් එකතු වෙලා තමයි Gavel Club එක ආරම්භ කළේ. මේ අවස්ථාවෙ දී මතක් කරන්න ඕනා stat department එකේ අසෝකා රාමනායක මැඩ්ම් ව, ඇය තමා මේ ගැන අදහස මුලින් ම ඉදිරිපත් කරලා අපිව දිරිමත් කළේ. මම එහි first committee එකේ vice president-education විදියට කටයුතු කළා.

  • Gavel Club එක ආරම්භ කරද්දී unique අරමුණක් තිබුණා ද?

අපේ මූලික අරමුණ වුණේ Leadership සහ communication skills දියුණු කරන්න. ඉතිං මේ දෙකම අරමුණු විදියට තියෙන club එකක් විදියට මම Gavel Club එක දකිනවා. මුලින්ම අපි මේ දේ පටන් ගද්දී ගොඩක් අය මේ දේ වැඩක් නැහැ වගේ දේවල් කිව්වා. ඉතිං club එක අද තියෙන තැනට ගේන්න අපි ගොඩාක් මහන්සි වුණා. අද Gavel Club තියෙන තැන දැක්කම අපිට ගොඩක් සතුටුයි අපි ආරම්භ කරපු දේ ගැන.

  • BEEZ Society ගැන මතක් කළොත්….

මම department එකට සම්බන්ධ වුණා ම තමයි BEEZ එකට සම්බන්ධ වුණේ. BEEZ ක්‍රියාකාරී society එකක් කරන්න අපිට පුළුවන් වුණා. අපි World Environment day එකට events කළා. තව යාපනය විශ්වවිද්‍යාලය සමඟ එකතු වෙලා tree planting programme එකක් කළා.

  • Special කරන්නේ මොන අංශයෙන් ද කියලා අදහසක් තිබුණ ද?

ඇත්තට ම එහෙම පැහැදිලි අදහසක් නම් තිබුණේ නැහැ.

  • ඇයි chemistryවලින් special නො කළේ ?

A/L වලදී මට Chemistryවලට A තිබුණා නම් තමයි හැබැයි මට A/L සහ campus chemistry අතර ලොකු වෙනසක් දැනුණා, ඇත්ත ම කිව්වොත් මං practical කළේ stress එකෙන්. මං මගේ chemistry practicals පටන් ගත්තේ බියුරෙට්ටුවක් කඩාගෙන.

  • Environmental Science special එකක් කරන්න හිතුවේ ඇයි?

2nd year එකේ දී Environmental Science optional subject එකක් තිබුණා Fundamentals of Environmental Management කියලා, එතන දි අපි බූන්දල දවස් 2ක් ගිහින් Rain Water Harvesting කියන්නේ මොකක් ද කියලා මිනිස්සුන්ට කියල දෙන්න අවස්ථාවක් ලැබුණා. ඒක තමයි මගේ ‘turning point’ එක ඒ වගේ තීරණයක් ගන්න.

  • Demonstrator කෙනෙක් වෙන්න අදහසක් තිබුණා ද ?

මම ගොඩක් ආසාවෙන් හිටියා ‘Campus සමාජයට’ , ඉතිං මට ආසාවක් තිබුණා academicවලට සම්බන්ධ වෙලා වැඩ කරන්න සහ උගන්වන්න. ඉතිං මට මාස 6 ක් ඒ අවස්ථාව ලැබුණා සහ මම එයින් ලොකු අත්දැකීමක් ලබගත්තා.

  • Campus එකේ හිටිය හොඳ ම යහළුවා ව මතක් කළොත්….

මීනූ… එයා තමා මට first year ඉදන් හිටපු හොඳම යහළුවා වුණේ. එයා MB කළේ, ඉතිං special කරද්දී මට තවත් යහළුවො 9ක් හමුවුණා. මුල් කාළයේ දී අපි හොඳින් ආශ්‍රය කරලා නො තිබුණත් අද මම campus එකෙන් එළියට යද්දී මට මුණගැහුණු හොඳම යහළුවෝ set එක තමා ඒ අය.

  • Campus ජීවිතයෙදී ලබපු ලොකුම ජයග්‍රණය මතක් කළොත්…

අපේ ටෙනිස් team එක හැමදාම champions. හැබැයි 2015 දී මං captain කරද්දී අපි champion වුණු අවස්ථාව මට පුද්ගලිකව ලොකු සතුටක්. Captain විදියට සාමුහිකව කටයුතු කරමින් ඒ ලබපු ජයග්‍රහණය මට ගොඩක් වැදගත්.

  • Campus ජීවිතය ගැන ඔබට දැන් හිතෙන්නේ මොනව ද?

Campus එද්දී හිටපු මම නෙමේ අද campus එකෙන් යද්දි ඉන්නේ. මම ගොඩක් වෙනස් වුණා. ඒත් ඒ දේ හැමොටම ලැබෙන්නේ නම් නැහැ. අපි campus ඇවිල්ලා 7-4 වෙනකං lectures , practicalsවල ඉඳලා ආයේ ගෙදර යන ජීවිතයක් නම් ගතකරන්නෙ ඒ ජිවිතෙන් අපිට ලබන්න පුළුවන් අත්දැකීම් ගොඩක් අඩුයි. හවස් වරුවෙත් campus එකේ ඉඳලා sport එකක් හෝ society එකක ඉඳලා ඒ ලබන අත්දැකීම ජීවිතයට ගොඩාක් වටිනාකම් එකතු කරනවා. Campus  එක කියන්නේ මිනිස්සු ගැන තේරුම් ගන්න පුළුවන් තක්සලාවක් විදියටයි මං දකින්නේ.

  • Campus එකේ වැඩියෙන් ම සතුටු වුණ දවස මතක ද?

එහෙම අවස්ථා නම් ඕන තරම් තියෙනවා. එක අව්ස්ථාවක් මතක් කරොත්.., 2016 දී  Gavel Club එකෙන් සංවිධානය කරපු හොඳම කථිකයා තේරීමේ තරඟයෙන් මම ජයග්‍රහණය කළා. එදා මගේ කථාවේ මාතෘකාව වුණේ ‘Undecided’.  ඒකෙන් මං කථා කළේ මං ගැනමයි. ඉතින් මට ඒක හොඳ අවස්ථාවක් වුණා මගේ අඳහස් ප්‍රකාශ කරන්න. මම ඒ ලැබුණු අවස්ථාව ගැන සතුටු වෙනවා.

  • ඔබට පවුලේ අයගෙන් ලැබුනු සහයෝගය මතක් කළොත්…

අපේ ගෙදර ඉන්නේ මායි අම්මායි තාත්තායි විතරයි. පවුලේ එකම දරුවා වශයෙන් මට ලබාදුන් නිදහස විශේෂයෙන්  මතක් කරන්න ඕනේ. ඒ අය නිතරම මට කිව්වේ බාහිර වැඩ ඕන තරම් කරන්න , හැබැයි මගේ මූලික අරමුණ වෙන්න් ඕනේ academic කියලා.

ඒ වගේම මම මතක් කරන්න ඔනේ මගේ ආච්චිව. මුල් අවුරුදු දෙකේදී මම ආවේ අච්චිගේ ගෙඳර ඉදන්, ඉතිං ඒ ලැබුණු ආදරය මම ගොඩක් ආදරයෙන් මතක් කරන්න ඕනා.

  • ඔබ ලබපු මේ ජයග්‍රහණයේ දී විශේෂයෙන් මතක් කරන්න ඕන පුද්ගලයෙක් ඉන්නවා ද?

මුලින්ම EN department එකේ එරන්දතී ලොකුපිටිය මැඩම් ව මතක් කරන්න ඕනා. ඇය තමා මගේ research supervisor, ඒ වගේම ඇය මට climate change සම්බන්ධව conferenceවලට සහභාගී වෙන්න අවස්ථාව ලබා දුන්නා. ඒ වගේම zoology department එකේ අයවත්, මගේ අඳහස් ප්‍රකාශ කරන්න තැනක් නිර්මාණය කරපු FOS Media හි හිරාන් ජයවීර සහ මුදිත රත්නායක සර්ත්, Gavel Club එක පටන් ගන්න මූලික වුණු අසෝකා රාමනායක මැඩමුත්, මේ අවුරුදු 4 පුරා මාත් එක්ක හිටපු යළුවෝ හැමොමවත් ආදරයෙන් මතක් කරන්න ඕනේ.

  • විද්‍යා ක්ෂේත්‍රය පිළිබඳව ශ්‍රී ලංකාව තුළ තිබෙන පරිසරය ගැන ඔබට තිබෙන අදහස කුමක් ද?

Facilities අතින් බැලුවාම ලොකු අඩුවක් ලංකාව තුළ තියෙනවා. ඒත් මීට දශකයට කලින් සමාජය තුල විද්‍යාව පිළිබඳ තිබුණු දැක්ම දැන් වෙනස් වෙලා තියෙනවා. මට හිතෙනවා සමාජය තුළ විද්‍යා ක්ෂේත්‍රයට තිබෙන ඉල්ලුම ඉදිරියේ දි වැඩි වෙයි කියලා. ඒ වගේම විද්‍යාවට තිබෙන උනන්ඳුවත් දැන් වැඩි වෙනවා.

  • දැන් මොනවද අනාගතයේදී කරන්න බලාපොරොත්තු වෙන්නේ ?

මට පොඳුරාජ්‍ය මණ්ඩලීය ශිෂ්‍යත්වයක් ලැබිලා තියෙනවා UK ගිහින් climate change සම්බන්ධව MSc. එකක් කරන්න. PhD. එකත් කරලා නැවතත් ලංකවට ඇවිත් campus එකේ academic staff එකට සම්බන්ධ වෙන්න බලාපොරොත්තුවක් තියෙනවා.

  • Campus එන්න ඉන්න සහ එන්න බලපොරොත්තුවෙන් ඉන්න අයට දෙන්න තියෙන පණිවිඩය මොකක් ද?

University එකකට එන්න ලැබීම මම කලින් කිව්ව වගේම ලොකු වාසනාවක්. ඉතිං campus ඇවිත් තමන් නො කරපු අලුත් දෙයක් කරන්න try කරන්න. ඕනම දෙයක් කරන්න campus එක තුළ ඕන තරම් නිදහස තියෙනවා . හැබැයි මතක තියාගන්න academic  තමයි first වෙන්න ඕනි. හැම වෙලාවෙ ම තමන් කැමති දේ කරන්න. තමන් කැමති දේ මොකක් ද කියලා හොඳින් තෙරුම් ගන්න. ඒ දේ තේරුම් ගන්න වෙලාව එනකම් ඉවසිල්ලෙන් බලාගෙන ඉන්න.

සරසවි ජීවිතය ජයගත් ඇය සමඟ සිඳු කළ දීර්ඝ කතාබහ මෙලෙසින් අවසන් කරනවා.

නිතරම සොඳුරු සිනාවකින් මුව සරසාගත් චාරුණී සොයුරියගේ අනාගතයට FOS Media අප හඳවතින් ම සුබ පැතුම් එකතු කරනවා.

පිළිවිසීම: ගමිත සේනානායක සමඟ දිල්ෂාන් චතුරංග .