Google Street View දැන් ශ්‍රී ලංකාවේ

Share

Google Street View යනු Google Maps සහ Google Earth මඟින් ලෝකයේ යම් ස්ථානයක පුළුල් පරාසයේ (360 Panoramic View) ඡායාරූපයක් නැරඹිය හැකි සේවාවකි.2007 වසරේ ඇමරිකාවෙන් ආරම්භ කළ සේවාව මේ වනවිට රටවල් 63 ක් ආවරණය කිරීමට සමත්ව සිටී. Google Maps සහ Google Earth, ලංකාවේ අපිට අලුත් දෙයක් නොවුනත් Street View  ලංකාවේ එතරම් ප්‍රචලිත සේවාවක් නම් නොවේ. ඒ සඳහා ප්‍රධානතම හේතුවක් වූයේ මේ වනතෙක් ම Google Map Street View ලංකාව සඳහා සහාය නොදැක්වීමයි. නමුත් ශ්‍රී ලංකාවේ රජයේ සහයෝගය ඇතිව තම Street View වැඩසටහන සඳහා මෙරට මහා මාර්ගවල සිට ඡායාරූප ගැනීම 12 වෙනිදා සිට ආරම්භ කරන බව Google සමාගම පැවසීමත් සමඟම එම සේවාව අත්විදීමේ අවස්ථාව ලාංකිකයින් වන අපට උදාවේ.

IMG_8410-1280x768

ඒ අනුව, 12 වෙනිදා පටන් කැමරා සවිකළ විශේෂිත ගූගල් කාර් රථ 3ක් මගින් දිවයිනේ විවිධ මාර්ග වල අංශක 360 ඡායාරූප ගැනීමට නියමිත අතර යාපනය, මාතර සහ ආරුගම්බේ ප්‍රදේශවලින් ආරම්භ කිරිමට සැලසුම් කර ඇත. මේ වැඩසටහන යටතේ ඉදිරියේදී සමස්ථ දිවයිනම ඡායාරූප ගැනීමට කටයුතු කරනු ඇති බව වැඩසටහන ආරම්භ කරමින් පසුගියදා (11දා) කොළඹදී පැවති මාධ්‍ය හමුව අමතමින් ගූගල් ආසියා පැසිෆික් හි ගිනිකොණදිග ආසියාව හා චීනය සඳහා මහජන කටයුතු අධ්‍යක්ෂිකා ඈන් ලීන් මහත්මිය සදහන් කළාය.

MCD_2930-1280x768

මෙම වැඩසටහන මගින් ආවරණය කර ඇති රටවල්වල ගූගල් සිතියමේ පහළ දකුණු පස කෙළවරේ ඇති තැඹිලි පැහැ pagman සංකේතය සිතියම මතට drag කර නිල් පැහැයෙන් ලකුණු වන මාවත් පරීක්ෂා කිරීමෙන් ඡායාරූප දැකබලාගත හැක.

Pagman1

ඡායාරූප : http://techguru.lk/

වැඩිදුර තොරතුරු :

https://www.google.lk/
https://www.google.com/
http://en.wikipedia.org/