නමශ්කාර් ප්‍රියෝ!
හින්දී භාෂාවේ අක්ෂර ප්‍රධාන වර්ග දෙක කි.
1.ස්වර (स्वर-ස්වර් )
2.ව්‍යංජන( व्यंजन-ව්‍යංජන්)
ඉහත වර්ග කිරීම්වලට අමතරව සිංහල භාෂාවේ ඇති නැති අකුරු කිහිපයක් ද හින්දියෙහි දක්නට ලැබේ.ඒ නිසාම වාග් විද්වතෙක් තරමටම විස්තර නැතුව සරලව හින්දි බස ඉගෙන ගමු.මේ ගැන වැඩි විස්තර අකුරු සියල්ල ඉගෙන අවසන් වූ පසුව සොයා බලමු.
මුලින්ම ස්වර අකුරු හතරක් තමයි කියල දෙන්න ලෑස්තිය ..
මෙහිදී අ , ආ , ඉ හා ඊ යන අක්ෂර ලියන ආකාරය දක්වා ඇත.නමුත් මෙහිදී විශේෂ දෙයක් ඔබ දැන ගත යුතුය. හැම අක්ෂරයක්ම ලියා අවසානයේ දි ඊට උඩින් තිරස් සරල රේඛාවක් යොදා ඇති බව ඔබ දුටුවා. නමින් එය “शिरोरेखा” (ශිරෝරේඛා)ව යි. ආ යන්න ලිවීමේදී ද අ යන්න ලියා ඇලපිල්ලත් ලියා පසුව තමයි ශිරෝරේඛාව යෙදිය යුත්තේ. නමුත් ඉයන්න ලියා ශිරෝරේඛාවටත් පසුව තම යි ඉස්පිල්ල යොදන්නේ. එය ඔබට අත හුරු කරගන්නට ප්‍රමාණවත් යැ යි සිතමි. එමගින් අකුරු දැන හඳුනා ගැනීමටත් ඉගෙන ගන්න ඕන. කෙසේ නමුත් දැනට මෙහෙම ලිවාට පසු කාලීනව මේ සීමාවන්වලින් ඈත් වෙලා ඔබට ස්වාධීනව අකුරු හා වචන ලිවීම කරන්න පුළුවන්. දැන් මේවායින් ආරම්භ වන වචන කිහිපයක් ඉගෙන ගමු. උච්චාරණය වරහන් තුළ දක්වා ඇත.
अ (අ)
अनन्नास (අනන්නාස්) – අන්නාසි
अदालत (අදාලත්) – උසාවිය
आ (ආ)
आम (ආම්)- අඹ
आदमी (ආද්මී) – මිනිසා
