විද්‍යා පීඨය, කළමනාකරණ හා මුල්‍ය පීඨය, නිති පීඨය, වෛද්‍ය පීඨය,කොළඹ විශ්වවිද්‍යාලයීය පරිගණක අධ්‍යනායතනය යන පීඨවල සිසු සිසුවියන්ගේ ඔල්වරසන් හඬ මධ්‍යයේ කොළඹ විශ්වවිද්‍යාලයීය නවක සිසුන්ගේ ක්‍රිඩා උළෙලේ නව වන දිනය මාර්තු මස 9 වන දින විශ්වවිද්‍යාලීය ක්‍රීඩාංගනයේ දි හොකී තරග පැවැත්විණි.

එහිදී කාන්තා හා පිරිමි අංශ ද්විත්වයෙන්ම තරඟ පැවැත්වුණු අතර විවිධ පීඨයන් නියෝජනය කරමින් ක්‍රීඩක ක්‍රීඩිකාවෝ රැසක් මේ සදහා සහභාගී වූහ.

කාන්තා අංශයේ තෙවන ස්ථානය දිනා ගනු ලැබුවේ කළමනාකරණ හා මුල්‍ය පීඨයයි. ප්‍රථම ස්ථානය සදහා පැවැති තරඟය ඉතාමත් තියුණු මුහුණුවරක් ගන්නා ලදී. එය දඩුවම් පහරක් මගින් අවසාන මොහොතේදි ජයග්‍රහණය කිරීමට නිතී පීඨය සමත් විය. එහිදී දෙවන ස්ථානය හිමි වුයේ විද්‍යා පීඨයටයි.

පිරිමි අංශයේ පැවැති තරඟ ඉතාමත් උණුසුම් ආකාරයෙන් පැවැතුන අතර තෙවන ස්ථානය නැවතත් කළමනාකරණ හා මුල්‍ය පීඨය විසින් දිනා ගන්නා ලදී. ප්‍රථම ස්ථානය සදහා තරග වැදුනේ විද්‍යා පීඨ කණ්ඩායම සහ කොළඹ විශ්වවිද්‍යාලීය පරිගණක අධ්‍යනායතනය කණ්ඩායමයි. එහිදි 1-0 ලෙස විශිෂ්ට ජයක් ලැබිමට විද්‍යා පීඨ කණ්ඩායමට හැකියාව ලැබිණි.

තරඟ අවසානයේ කාන්තා අංශයේ ජයග්‍රහණයට පත් නිතී පීඨ කණ්ඩායමටත්,පිරිමි අංශයේ ජයග්‍රහණයට පත් විද්‍යා පීඨ කණ්ඩායමටත් කුසලාන පිරිනමන ලදී. විද්‍යා පීඨ සිසු සිසුවියන් විසින් සිය ජයග්‍රහණයට පත් කණ්ඩායම් ඉතා උණුසුම් ලෙස පිළිගන්නා අයුරු දක්නට ලැබිණි.

නවක සිසුන්ගේ ක්‍රිඩා උළෙලේ තවත් දවසක් ඉතා උද්වේගකාරී ලෙස මෙලෙසින් නිමා විය..

කොළඹ විශ්ව විද්‍යාලයීය නවක සිසු ක්‍රීඩාවලියේ තවත් තොරතුරු ඔබ වෙත ගෙන ඒමට අපි සූදානම්…

හොකී තරගාවලියේ ඡායාරූප සඳහා පිවිසෙන්න : “Freshers’ Tournament 2017 – Hockey” by FOS Media

https://www.facebook.com/fosmedia/photos/?tab=album&album_id=1587865634561535