නවකයන්ගේ දස්කම් මවයි ටෙනිස් බිම විස්කම්

Share

නවක සිසු හදවත් සිය දහස් ගණනක හෘදස්පන්දන වේගය ත්වරණයක රඳවමින්, ඇරඹුණු කොළඹ විශ්වවිද්‍යාලයීය නවකයන්ගේ ක්‍රීඩා උළෙලේ දෙවන දිනය විශ්වවිද්‍යාල ටෙනිස් පිටියේ දී නිමාව දුටුවේ නවකයන්ගේ කෙළි බිමට පෑයූ ටෙනිස් තරු රැසකට සදා නොමැකෙන මතක ගොන්නක් ශේෂ කරමිනි.

ක්‍රීඩාවේ ජීව ගුණය නංවමින්, මනා ජවයකින් හා උද්යෝගයකින් යුතුව ක්‍රීඩා කල නවකයන් රැසක් මෙවර විද්‍යා පීඨය, කළමණාකරණ හා මූල්‍ය පීඨය, වෛද්‍ය පීඨය, නීති පීඨය, හෙද පීඨය, තාක්ෂණික පීඨය හා කොළඹ විශ්වවිද්‍යාලයීය පරිගණක අධ්‍යනාංශය නියෝජනය කරමින් ටෙනිස් තරඟාවලියට සහභාගී වූහ. තරඟාවලිය ආරම්භයේ සිටම තියුණු මුහුණුවරක් ගත් අතර අවසානයේ සමස්ථ පිරිමි අංශයේ ජය තමන් සතු කර ගැනීමට විද්‍යා  පීඨය සමත් විය. දෙවන හා තෙවන ස්ථාන පිළිවෙලින් නීති පීඨයටත් කළමණාකරණ හා මූල්‍ය පීඨයටත් හිමි විය.

ක්‍රීඩකයන්ට නොදෙවනි ක්‍රීඩා කෞෂල්‍යක් විදහා පාමින් ටෙනිස් පිත්තෙන් විස්කම් පෑ ක්‍රීඩිකාවන්ගේ තරඟය ද ඉතා උණුසුම් මුහුණුවරක් ගත් අතර සමස්ත කාන්තා අංශයේ ජය කළමණාකරණ හා මූල්‍ය පීඨය හිමිකර ගත්තේ විද්‍යා  පීඨයට දෙවන ස්ථානයත් කොළඹ විශ්වවිද්‍යාලයීය  පරිගණක අධ්‍යනාංශයට  තෙවන ස්ථානයත් හිමිකර දෙමිනි.

තරඟ නිමාවට පත් වූයේ විද්‍යා  පීඨයට සමස්ත ටෙනිස් ලකුණු සටහනේ පෙරමුණ හිමි කර දෙමිනි. කළමණාකරණ හා මූල්‍ය පීඨය සහ කොළඹ විශ්වවිද්‍යාලයීය  පරිගණක අධ්‍යනාංශය පිළිවෙලින් සමස්ත ටෙනිස් ලකුණු සටහනේ දෙවන හා තෙවන ස්ථානයන්හී මේ වන විට පසු වෙයි. හෙට දිනය වන විට ප්‍රථිඵලය කුමක් වේවි ද? අරුණලු නැඟෙන හෙට දින ගොම්මන දක්වා උණුසුම් වන නවකයන්ගේ කෙළි බිමේ තතු ඔබ වෙත ගෙන ඒමට FOS Media අපි සූදානම්.

 
Tagged :