Genius හදවතින් අමතමි

Share

උපැස් යුවලින් සැඟවුණ

මගේ නෙත් යුග දෙසට එබෙමින්

සිත් අහස වසා – සුවඳ පතුරා

නීල නෙත් විලේ කැල්මෙන්

මවනා නේක ඉඟි සිත්තම් පැහැසර

දුටිමි, හඳුනා ගතිමි, විඳිනෙමි

නමුදු සඟවා ගතිමි හැඟුමන්

 

නේක පොත් කඳු අතර සැඟවුණු

සෙල් හදවතක මල් කැටයම් කළ

කෝල හසරැලි මුවග පිපි

ආතුල්‍ය නුඹ වත කමල

මෙනෙහි කරනෙමි නිති

සිහින රස විඳ විඳ

 

නො වූවත් ඔබ පොතක්

විද්‍යා කරුණු සපිරුණු

රැඳී ඇත මා නෙතු අග නිරන්තර

 

දුක සැප නිති සම ගලන

ජීවිත පොතේ පිටු අතර

සදා ලැඟුම් ගනු මැන

සමීපයෙන් ඉවත් නොවී

සෙවණැල්ලක් සේ

දවා කළුවර ගෙනැත් සඳ රැස්

සරසවා මා දිවිය

 

Image courtesy : http://mydailystylefix.com/wp-content/uploads/2016/04/feature-image-college-dating.png