ඔබට මතකද 2001 වර්ෂයේදී ඇමරිකාවේ ලිපි හා පාර්සල් මඟින් සංසරණය වූ ඇන්ත්‍රැක්ස් බැක්ටීරියාව (Bacillus anthracis) පිළිබඳව? ලොවම භීතියට පත් කිරීමට සමත් වූ මෙම බැක්ටීරියාව යොදා ගත්තේ මාරාන්තික රෝග ඇතිකිරීමේ සමත් ජෛවිය ආයුධයක් ලෙසින්. ඉතා අනර්ථකාරී විපාක ඇති කල මෙම බැක්ටීරියාව අද වනවිට ප්‍රයෝජනවත් කාර්යයක් සඳහා යොදා ගැනීමට පර්යේශකයන් පිරිසක් සමත් වී තිබෙනවා.

ඒ විෂ රහිත, කාර්යක්ශම ඖෂධ පරිවාහකයෙක් ලෙසින්. ඇන්ත්‍රැක්ස් ධූලකය සතු ප්‍රෝටීන පරිවහනය කිරීමේ හැකියාව මඟින් පිලිකා නාශක ප්‍රෝටීන පිලිකා සෛල කරා ගෙන යාමේ හැකියාව තක්සේරු කිරීමයි මොවුන්ගේ පර්යේශණයේ අරමුණ වී තිබෙන්නේ. මෙහිදී මොවුන් සාර්ථක ප්‍රතිඵල ලබා තිබෙනවා.

මෙම පිළිකා නාශක ප්‍රෝටීන මඟින් පිළිකා සෛල තුල ඇති විශේෂිත ප්‍රෝටීන බිඳ දැමීම මඟින් ඉලක්ක පිළිකා සෛලයේ ක්‍රියාකාරීත්වය අඩාල කරවනවා. මෙමඟින් එම පිළිකා සෛලය විනාශ කල හැකියි. මෙම ක්‍රමවේදය පිළිකා රෝගීන් සඳහා ප්‍රතිකාර කිරීමේදී ප්‍රයෝජනවත් වෙනු ඇතැයි ඔවුන් විස්වාස කරනවා.

විද්‍යාවේ සහ තාක්ෂණයේ අයහපත් පැතිකඩයන් මෙවන් ප්‍රයෝජනවත් කාර්යයන් සඳහා යොදා ගැනීම ඉතාමත් යහපත් නැඹුරුවක් ලෙසින් හඳුන්වන්න පුළුවන්.

මූලාශ්‍ර:

http://onlinelibrary.wiley.com/doi/10.1002/cbic.201402290/abstract

http://www.sciencealert.com.au/news/20142609-26242.html

Image source:

http://files.stv.tv/imagebase/132/623×349/132824-anthrax-bacteria.jpg