අවුරුද්දත් ඇවිල්ලා ඔන්න ගියා එහෙනං…… අලුත් අවුරුද්දෙන් පස්සේ හා හා පුර කියලා කැම්පස් පටන් ගන්න දවස…..ලැබුණු සතියේ නිවාඩුවට කට්ටිය ගෙදර ගිහින් එහෙම ඇවිල්ලා සන්තෝසෙන් ඉන්න බව මුහුණු වල තියෙන හිනා වලින් හොඳට තේරෙනවා. …. සතියේ නිවාඩුවනං එහෙ හැරිලා මෙහෙ බලද්දි ඉවර උනා…. හැබැයි ඉතින් මාසෙකින් වගේ ගෙදර යන්න පුළුවන් උන අයට නං මේ සතියත් සෑහෙන්න වටිනවා…. ලැබුණු assignment එහෙම එක්ක සමහර සහෝදර සහෝදරියන්ට මේ සතිය නිවාඩුවක් උනාද කියන එක ගැන නං මට ටිකක් සැකයි…. 😀 එත් හැමෝම අවුරුද්ද සතුටෙන් සමරන්න ඇති කියලා මං හිතනවා…..
පළමු වසරේ අපිට නං අද දවස ටිකක් නවමු අත්දැකීමක්…..අලුත් අවුරුද්දකින් පස්සේ කැම්පස් ආව මුල්ම දවස…. අනිත් එක තමයි අද “අපේ අලුත් අවුරුදු කෑම මේසේ”. අපේ පීඨයේ ආචාර්ය මණ්ඩලයේ ගුරුභවතුන්ට, අපේ අක්කලා අයියලට වගේම අපේ පීඨයේ හැමෝටම දිගහැරෙන අලුත් අවුරුදු කෑම මේසය……
නිවාඩුවට ගෙදර යන්න ඉස්සෙල්ලා කට්ටිය ඉතින් රස කැවිලි වර්ග එහෙම ගේන්න බෙදා ගත්තා….විවිධ පළාත් වලින් ආපු අය ඉන්න නිසා සමහර ඇයට එහෙම නම් වර්ග පැටලුනේ නැහැලු :D..(මුං කැරලි, මුං කැවුම්…. :D….)
අපේ සහෝදර සහෝදරියන් එකතු වෙලා open canteen එකත් පුළුවන් හැටියට සැරසුවා…ඒ හැමෝගෙම ගෙදර වෙන අපේ කැම්පස් එකටත් අවුරුද්දේ අසිරිය ගෙන්න…..
ඒවා කොහොම කොහොම උනත් ගම් ඉඳන් හරි, මේ ගෙන්ද ගම් පොළවෙ හරි….. අපේ සහෝදර සහෝදරියන්ගේ ගෙවල් වල හැදුණු අවුරුදු කෑම වල රස බලල යන්න අපේ open canteen එකට එන්න…… වීවෘත ආරාධනයක්….!!!!
නුවර පැණි වළලු,,,, කෑගල්ලේ අලුවා…..ගාල්ලේ කළු දොදොල්….කුරුණෑගල කැවුම්, මාතර මුන් කැරලි……තවත් ගොඩක් කෑම වර්ග වල රස බලලා යන්න එන්න……!!!!
ඉතින් මේ අදින් පටන් ගත්ත අධ්‍යන කාලය අපේ අයියලා අක්කලා හැමෝටම, ඒ වගේම පළමු වසරේ සහෝදර සහෝදරියන්ටද සුබම සුබ වෙන්න කියල ඉත සිතින් ප්‍රර්ථනා කරනවා…..
මේ වසන්ත කාලයක් ඇවිත් ගිය නෙමේ…අපි හැමෝගේම විශ්ව විද්‍යාල ජීවිතේ කියනමේ වසන්ත කාලෙට තවත් මුහුණුවරක් දුන්නා…..අලුත් විදිහට හිතමු….අපේ හීන සැබෑ කරගන්න එකතුවෙලා වැඩ කරමු….සතුටු වෙමු…ජීවිතය විදිමු……
ආයෙමත් ඔන්න කිව්වා….අලුත් අවුරුද්දේ කිරිබත් කෑල්ලක් කලාම වැඩ අල්ලමු…!!!
ජය සතුට රජයන තවත් ලස්සන මතකයන් ගොඩක් එකතු වෙන අවුරුද්දකට පළමු වසරෙන් ආදරණීය සුබ පැතුම්…..!!!!