Python: An Introduction

The Python Logo. (Image Courtesy- http://www.nuim.ie/)

පයිතන්(Python) කියලා මේ කියන්න යන්නේ පිඹුරෙක් ගැනනම් නෙමෙයි.
අද අපි කතා කරන්න යන්නේ පයිතන් පරිගණක භාෂාව ගැනයි.

පයිතන් කියන්නේ අද ලෝකයේ තියෙන ජනප්‍රියම පරිගණක භාෂාවක්. විවිධ වැඩ වලට යොදාගන්න පයිතන් භාෂාවේ ගති ගුණාංග ගැන ටිකක් බලමු.

1. ඉතා ලේසි භාෂාවක් වීම(Easiness of the language)
   * නවකයන් සඳහා ඉතා සුදුසු භාශවක් ලෙස පයිතන් පිළිගන්නවා.

2. ඉතා පැහැදිලි භාෂාවක් වීම (Clarity of the language)
   * අනිකුත් පරිගණක භාෂාවන් සමග ගැලපුවාම පයිතන් ඉහල පැහැදිලි බවක් තියෙන භාෂාවක්.

‘Hello World’ පයිතන් භාෂාවෙන්

“Hello World” Java භාෂාවෙන්

3. විශාල කේත ගබඩාව (Extensive Standard Libraries)
   * පයිතන් වල විශේෂත්වය වන්නේ ඔබට කිරීමට අවශ්‍ය බොහෝ දේවල් වලට ඕනෑ කරන පසුබිම භාෂාවේම තිබීමයි.

4. Dynamic Typing
   * ඔබලා හොඳින් දන්න ජාවා(Java) පරිගණක භාෂාව අයිති වෙන්නේ Static Typing ගනයටයි. ඒ කියන්නේ මොකක් හරි Variable එකකට type එකක් දුන්නොත් සදහටම ඒ type එක තමයි. ඒත් පයිතන් වල එහෙම නෑ. ඔයාට පුලුවන් ඕනේම Variable එකක type එක වෙනස් කරන්න.

5. Interpreter Language
   * Java, C, C++ වගේ භාෂා ඔක්කොම Compiled භාෂා කියලා කියනවා. ඒ කියන්නේ program එක run කරන්න කලින් ඒක පරිගනකයේ භාෂාවට හරවන්න ඕනේ. ඒත් පයිතන් වලට එහෙම ඕනේ නෑ.

6. Interactive Mode
   * පයිතන් වලට විශේෂ වූ දෙයක් තමයි Interactive Mode එක කියන්නේ. ඔයාට මොකක් හරි වැඩ කරයි කියල විශ්වාස නැති උනාම මේ ක්‍රමයෙන් ඉක්මනට ප්‍රශන විසඳගන්න පුලුවන්.

Python Interpretor running on my PC

7. Exception Handling
   * අලුත් පරිගණක භාෂවන් වගේම Exception Handling වලට ඉතා ප්‍රබලයි.

8. Superb for Scripting
   * Scripting කියන්නේ ටිකක් අලුත් වචනයක් වෙන්න පුලුවන්. ඒත් ඒක පරිගණක කටයුතුවලදි ඉතා වැදගත්. Scripting කියන්නේ තමන්ගේ පරිගණකයේ තියෙන මෙහෙයුම් පද්ධතියේ ස්වංක්‍රීය කාර්යයන් කිරීමට වැදගත් වෙන මාධ්‍යයක්.

A small script that I wrote to isolate unique names in large text file

9. වෙනත් පරිගණක භාෂා සමග එකතු කිරීමට ඇති හැකියාව.
   * මේකත් පයිතන් වල ජනප්‍රිය ලක්ෂණයක්. එක එක භාෂාත් එක්ක පයිතන් එකතු කරල නියම දෙමුහුම් භාෂා හදල තියෙනවා. උදාහරණ තමයි
   (i) ජයිතන් (Jython)
   (ii) සයිතන් (Cython)
   (iii) අයන්පයිතන් (IronPython)

The following is the famous ‘Hello World’ program written in Python.

පයිතන් වල ඉතිහාසයත් ඉක්මනට කියන්නම්.
පයිතන් හොයා ගත්තේ ‘Guido Van Rossum'(ගුයිඩෝ වැන් රොසම්) කියලා ලන්දේසි මහත්තයෙක්.

Guido Van Rossum(1992)[Image Courtesy- www.wikipedia.org]

80 දශකයේ ජනප්‍රිය වෙලා තිබ්බ ABC පරිගණක භාෂාවේ ඊලඟ පිම්ම ලෙස ඔහු පයිතන් නිර්මාණය කලා.
1989 දී පළමු පයිතන් භාෂාවේ සංස්කරණය මහජනයාට නිකුත් උනා.
එහෙම දිග ගමනක් එන්නට පයිතන් වලට වැදගත් උනේ අනික් පරිගණක භාෂා සමග සසඳපුවාම තියෙන විශේෂ ලක්ෂණ නිසයි.

අදට එහෙනම් මෙතනින් අවසන් කරමු.
මෙන්න මේ පද ටිකෙන් පයිතන් වල චින්තනය තේරුම් ගන්න බලන්න.

Beautiful is better than ugly.
Explicit is better than implicit.
Simple is better than complex.
Complex is better than complicated.
Flat is better than nested.
Sparse is better than dense.
Readability counts.

පිරිසිදු බව අපිරිසිදු බවට වඩා හොඳය
පැහැදිලි බව අපහැදිලි බවට වඩා හොඳය
සරල බව සංකීර්ණ වනවාට වඩා හොඳය
සංකීර්න බව පැටලිලි සහගත වනවාට වඩා හොඳය
කෙලින් පැවසීම වක්‍රාකාරව පවසනවාට වඩා හොඳය
අඩුවෙන් කියලා වැඩියෙන් වැඩ කිරීම හොඳය
ලියන දේ කියවීමට පුලුවන් වෙන එක හොඳය

ඊලඟ පයිතන් පන්තියෙන් හමු වෙමු…..