පසුගියදා විද්‍යා පීඨ තොරතුරු තාක්ෂණ ඒකකය අළුත් කාර්‍යයකට අත ගැසුවා. ඒ තමයි විද්‍යා පීඨයේ විශේෂිත තොරතුරු, හදිසි ප්‍රවෘත්ති, නිවේදන ආදිය Twitter වෙබ් අඩවිය හරහා සිසුන්ගේ ජංගම දුරකථන වලට ලබා දීම. උදාහරණයක් ලෙස ඔබ මහපොල ලාභියෙක් යැයි සිතමු. මහපොල ශිෂ්‍යත්වයේ මාසික වාරිකය ලබා ගැනීමට නම් ඔබ අදාල මාසය සඳහා අත්සනක් යොදා තිබිය යුතු වෙනවා. මෙහිදී ඒ සඳහා මතක් කිරීමක් මේ සේවාව හරහා සිදු වීමෙන් ඔබට අනවශ්‍ය අපහසුතා වලට මුහුණ දීමට සිදු වීම අවම වෙනවා. එවන් සේවාවාන් රැසක් මේ නවතම පණිවිඩ සේවය හරහා සිදු වෙනවා. මෙහිදී ඉක්මනින්ම කිසිදු අමතර මුදලකින් තොරව කෙටි පණිවිඩයක් මඟින් කිසියම් පණිවිඩයක් ජංගම දුරකථනයකට යැවිය හැකියි. මේ සේවාව ලබා දීම ඉගෙනුම ලබන වසර අනුව සිදු වෙනවා. එනම් විවිධ වසර සඳහා වෙන වෙනම ලියාපදිංචි වීම අවශ්‍ය වේ. ලියාපදිංචි වීම සඳහා ඔබ සතුව Mobitel, Dialog හෝ Etisalat සිම් පතක් සහිත ජංගම දුරකථනයක් තිබිය යුතු වෙනවා. තමන්ට අදාල වන වසර අනුව ජංගම දුරකථනයෙන් පහත පරිදි කෙටි පණිවිඩයක යැවීමෙන් මෙම සේවාව සඳහා ලියාපදිංචි වීම කල හැකියි. මේ සඳහා මුලින් යවන කෙටි පණිවිඩයට අදාල ගාස්තු අය වන අතර ඉන් පසුව කිසිදු අමතර මුදලක් වැය වන්නේ නැත. එමෙන්ම මේ සඳහා ඔබට Twitter ගිණුමක් තිබීමද අත්‍යවශ්‍ය නොවේ.

පළමු වසර සඳහා – follow uocfos_2012
දෙවන වසර සඳහා – follow uocfos_2011
තෙවන වසර සඳහා- follow uocfos_2010
සිවිවන වසර සඳහා – follow uocfos_2009

කෙටි පණිවිඩය යැවිය යුතු වන්නේ 40404 යන අංකයටයි. ඔබට වැඩි විස්තර ITU-1 වෙතින්  ලබා ගත හැකියි.