මිනිස් හදවත වෙළඳ සැලකින් මිලට ගතහැකි ද ? – Human hearts for sale ?

Share

creating heart
තාක්ෂණය බොහොම පුදුමාකාරයි. විටෙක එය අපට සිතා ගත නොහැකි දේ පවා සිදු කරයි. මඳක් සිතා බලන්න මීට දශක කිහිපයකට ඉහත දී රූපවාහිනියක් නිපදවීමට ප්‍රථමව එවැනි දෙයක් කල හැකි යැයි සිතා ගත හැකිවත් ද කියා. ඉතින් වෛද්‍යය ක්ෂේත්‍රයත් මෙසේ ඉතා සීග්‍රයෙන් දියුණු වන ක්ෂේත්‍රයක්. ඇමෙරිකා එක්සත් ජනපදයේ Minnesota විශ්වවිද්‍යාලයේ පර්යේෂකයන් පිරිසක් පසුගියදා අපූරු සොයා ගැනීමක් කලා. ඒ තමයි ස්පන්දනය වන සජීවි හදවතක් පර්යේෂණාගාරයක් තුල නිපදවීම.
මේ සඳහා ඔවුන් තෝරා ගත්තේ මියගිය මීයෙකුගේ හදවතක්. පර්යේෂකයින් විශේෂ ක්ෂාලක වර්ගයක් (Detergent) යොදා එම මී හදවතෙන් සෛල කොටස් ඉවත් කර තිබෙනවා. එවිට ඉතිරිව තිබෙන්නේ පිරිසිදු, එමෙන්ම සුදු වර්ණයෙන් යුක්ත, අජීවි තන්තු වලින් සමන්විත හදවතේ සැකිල්ල පමණයි.ඉන්පසු ඔවුන් මෙම හදවත් සැකිල්ල තුලට අලුත උපන් මී පැටවුන්ගේ හදවත් තුලින් ලබා ගත් ජීවී සෛල එන්නත් කර තිබෙනවා. ඉන්පසු ඔක්සිජන් හා පෝෂක ද්‍රව්‍ය රුධිර නාල වලින් සපයන ආකරයෙන්ම ලබා දී තිබෙනවා. පර්යෙෂකයින් පුදුමයට පත්කරමින් මෙම සෛල නිරෝගීව වැඩෙමින් දින 8කින් ස්පන්දනය වන සජීවී හදවතක් නිර්මාණය කර තිබෙනවා. මෙම නව තාක්ෂණය නම් කර තිබෙන්නේ “Organ decellurizatrion”ලෙසයි.මෙම තාක්ෂණය තව දුරටත් වැඩි දියුණු කර එය මිනිසාට ද අත් හදා බැලීමට තමන් වැඩි දුරටත් සූදානම් බව පර්යේෂකයින් මාධ්‍ය වලට වාර්ථා කර තිබුණා.

තොරතුරු :https://www.facebook.com/OMICSPUBLISHING