සිතුවිලි දහසක් උරුමකරගත්
කාලයේ අරුමැසි අඩ තත්පරයකදී
වැයෙනා මනඃකල්පිත අඬහැරය
මියෙනා හැඟීම් දහසකට පණ පොවමින්
විදු ඇස පරයා නැගෙද්දී
නැණස අඩපණව දෑස රවටන මුත්
කාලයේ අසල්වැසි අඩ තත්පරයකදී
පිබිදෙන තෙවැනි ඇස
කාලය විනිවිද දකිනා නිමේෂයකදී
පියාපත් ලද නිදහස් තෙලි තුඩ
සිත්තම් මත රචනය වෙමින්
ගෙත්තම් වන කවයක පදනම
ඔබ, ඔහු හෝ ඇය නොව
විනිවිද නොදකින මඟ හැර යන
මියෙනා අඩ තත්පරයක
වටිනාකම පහදන කාලයයි!!!!!