පෘතුවිය මත ඇති ජලය අපේ සූර්යයාට වඩා පැරණියි

Share

පෘතුවිය මත ඇති ජලය අපේ සුර්යයාට වඩා පැරණියි, කිව්වොත් ඔබ එය විශ්වාස කරාවිද?

එක්සත් ජනපදයේ මිචිගන් සරසවියේ කණ්ඩායමක් විසින් සිදු කල නවතම පරීක්ෂණයක ප්‍රතිඵලය මගින් පෘතුවිය සතු ජලයෙන් 50% ක් පමණ වයස අපගේ සුර්යයාගේ වයසට වඩා වැඩි බව හෙළි වී තිබෙනවා.

පරිගණක වැඩසටහන් යොදාගනිමින් මිචිගන් සරසවියේ මහාචාර්ය එල්. ඉසදෝර් ක්ලීව්ස් ( L. Ilsedore Cleeves ) විසින් මෙහෙයවන ලද කණ්ඩායමක් මගින් කල සොයාගැනීමකට අනුව පෙනී යන්නේ අප සෞරග්‍රහ මණ්ඩලයේ පැතිර තිබෙන ජලයේ ආයු කාලය අප මෙතෙක් කල් සිතා සිටියාට වඩා බෙහෙවින් වැඩි බවයි.

මහාචාර්ය ක්ලීව්ස් පවසන්නේ අපට කාලය හරහා ආපසු ගමන් කර අපගේ සුර්යයා සහ සෞරග්‍රහ මණ්ඩලයේ උපත දැක ගත නොහැකි වුවත්, විශ්වයේ ඇති අනෙකුත් ලාබාල තාරකා සහ හටගමින් පවතින තාරකා අධ්‍යනය කිරීමට හැකිවීම භාග්‍යක් බවයි. තවදුරටත් අදහස් දක්වමින් ඇය පවසා සිටින්නේ අධි බල දුරේක්ෂ සහ සංඛ්‍යාත්මක ශිල්පක්‍රම (numerical techniques) භාවිතා කරමින් එවන් තාරකා ආදිය අධ්‍යනය කරමින් ලබාගන්න තොරතුරු මත මූල-ග්‍රහ තැටිය (the protoplanetary disk) පිළිබඳ මනා ආකෘතියක් ගොඩනගාගත හැකි බවයි.

(මූල-ග්‍රහ තැටිය කියන්නේ ග්‍රහලෝක උපත ලබන පරිසරය කියල හඳුන්වන්න පුළුවන්. මූල-ග්‍රහ තැටිය, තාරකා ඇතිවීමට දායක වන වලාකුළක් හැකිලිමේදී ඇති වු දුවිලි සහ වායූ අංශු ඉතා විශාල ප්‍රමාණයක් කැටි කොට ගනිමින් එමගින් ඇතිවූ තරකාවත් සමග භ්‍රමණය වෙමින් පවතිනවා. එම තැටිය වටා ඇති සුන්බුන් මගින් නව ග්‍රහලෝක ඇති වීම සිදුවෙනවා.)

විශ්වයේ ඇති ඝනීභවනය වුන ජලය, එහෙම නැත්නම් අයිස් වල බොහෝදුරට ඩ්යුටීරීයම් (Deuterium – හයිඩ්‍රජන් පරමාණුවේ එක්‌ න්යුට්‍රෝනයක් සහිත සමායවිකයක්) අඩංගු වෙනවා. මෙම ඩ්යුටීරීයම් අඩංගු ජලය බැර ජලය කියල හඳුන්වනවා. බැර ජලය සෞරග්‍රහ මණ්ඩලයේ අයිස්මය චන්ද්‍රයන්,වල්ගාතරු උල්කා ආදී ජලය ඇති ඕනෑම ස්ථානයක හමුවෙනවා.

http://www.crystalinks.com/heavywaterh.gif

මහාචාර්ය ක්ලීව්ස් සහ ඇයගේ කණ්ඩායම පරිගණක වැඩසටහනක් ඇසුරෙන් අපගේ සෞරග්‍රහ මණ්ඩලය ඇති වන විට ඇතිවිය හැකි බැර ජලය ප්‍රමාණය ආදර්ශනය කලා. එහිදී ඔවුන්ට ලැබුන අගය ඔවුන් සිතුවාට වඩා අඩු අගයක් වුනා. එවිට ඔවුන්ට ඇති වූ ගැටළුව වුයේ මේ තරම් ඩ්යුටීරීයම් අඩංගු ජල අණු ප්‍රමණයක් (බැර ජලය) ලැබුනේ කෙසේද යන්නයි. තරු අතර පවතින වායු මගින් ඩ්යුටීරීයම් අඩංගු ජල අණු සෞරග්‍රහ මණ්ඩලයට ලැබුනේද නැතහොත් මූල-ග්‍රහ තැටියේ සුන්බුන් මගින් ග්‍රහලෝක හටගැනීමේදී සිදුවූ රසායනික ප්‍රතික්‍රියා වල ප්‍රතිඵලයක් ලෙස ඩ්යුටීරීයම් අඩංගු ජල අණු සෞරග්‍රහ මණ්ඩලයට ලැබුනේද යන්න දැනගැනීම සඳහා ඔවුන් යොමු වුනා.

එහිදී ඔවුන්ට ලැබුණු පිළිතුර වුයේ මුල-ග්‍රහ තැටි මගින් සැලකිය යුතු තරම් බැර ජලය ඇති නොවූ බවත් එම නිසා එය අප පෘතුවිය සහ සෞරග්‍රහ මණ්ඩලය සතු ජලයේ මුලාශ්‍රය බව සැලකිය නොහැකි බවත් ය. මේ පිලිබඳ අදහස් දක්වන මහාචාර්ය ක්ලීව්ස් පවසා සිටින්නේ සෞරග්‍රහ මණ්ඩලයේ ඇති අයිස් ජලය ඇති වුයේ අපගේ සූර්යයා ඇති වීමටත් පෙර තිබු ඉතා අඳුරු සහ ශීත වායුන් ඇසුරෙන් බවයි.

https://lh4.googleusercontent.com/jVL05ic6dasYzFqEfbyKSXIO6oSTTfA3igOJTYObFTIr6pH-i-PiMZLdLIrXRdxlM-mqCY92NjnRGwcLfoh5KTEn0Dx-N-16SzcEmz_laEGRMzGaR4CC0TVfkqaQ3N6NOQ
https://lh4.googleusercontent.com

විශ්වාස කිරීමට අපහසු වුවත් අපගේ පෘතුවියේ ඇති ජලය පෘතුවියටද, සුර්යයාටද වඩා පැරණි බව මෙමගින් හෙළිදරව් වෙනවා.

Source : http://www.sciencealert.com.au/news/20142609-26236.html
http://www.newscientist.com/article/dn26268-up-to-half-of-earthswater-is-older-than-the-sun.html#.VErAZ_mUd9R

http://psp-wallpaper.com/wp-content/uploads/wallpapers/Earth-Water-Land-PSP-Wallpaper.jpg