සර්වරාත්‍රික පිරිත් පිංකම

Share

සර්වරාත්‍රික පිරිත් පිංකම හා සංඝගත හීල් දානය මෙසේ නිමාවට පත් විය……

ඉකුත් 15/10/2013 දින රාත්‍රියේ පැවත්වුණ සුමධුර පිරිත් දේශනාව හා පසු දින (එනම් 16 වන දින ) භික්ෂූන් වහන්සේලා 16 නමක් උදෙසා වූ හීල් දානය ඉතා සාර්ථක අන්දමින් නිමාවට පත් විය.

පළමු වසර සහෝදර සහෝදරියන්ගේ මූලිකත්වයෙන් පැවතුන මෙම පිංකම් මාලාවට ජේෂ්ඨ සහෝදර සහෝදරියන්ගෙන් ලබුණු පිටුවහල මෙතෙක් යැයි කියා නිම කළ නොහැක.විශ්ව විද්‍යාල ආචාර්යය මණ්ඩලයෙන් පමණක් නොව පීඨාධිපතිතුමාගේ සහභාගීත්වයෙන් පැවතුන මෙම පිංකම් මාලාව මූලිකව අප අතරින් වියෝ වූ ආදරණීය ශෂී සොහොයුරියගේ තෙමස් පූර්ණය නිමිත්තෙන් ඇයට පිං පතා පැවත්වුනි.ඇයගේ දෙමව්පියන්ගේත් නෑදෑයන්ගේත් සහභාගීත්වය මධ්‍යයේ ඉතා සාර්ථකව නිම වුන මේ පුණ්‍ය කටයුත්ත ආචාර්ය මණ්ඩලයේද පැසසුමට ලක් විය.
හාත්පස තොරණ්,කොඩිවැල් සාදමින්,පහන් දල්වමින් විශ්වවිද්‍යාල භූමිය අලංකාර කිරීමට සැමගේම දහඩිය මහන්සිය හෙලීමට සිදු වූවත් එය පිං කෙත සාරවත් කිරීමට යන අදිටනින්ම සිදු විය.

[nggallery id=5]

අපමණ මිහිරි මතකයන් අප හද තුල ඉතිරි කර දෑසට කඳුලක් දී සුර දෙවිඳුන් සොයා ගිය ආදරණීය ශෂී සොහොයුරියනී,කිසිදා අමතක නොකරන්න සැමදා අප ඔබ ලඟ සිටි බව,සැමදාමත් මතුදාත් සිටින බව.
මේ අපමණ පුණ්‍ය මහිමයෙන් ඔබට සුගතිමත් ජීවිතයක් ලැබ මතුයම් දිනක අමාමහ නිවන් අවබෝධ වී මේ මහා නිරුදක කතරින් එතෙර වීමට භග්‍ය ලැබේවායි විශ්වවිද්‍යාලයේ අපි සැවම එක සිතින් ප්‍රර්ථනා කරන්නෙමු….