මිනී මල් පිපුණා

කනත්තේ හතර කොන

දවුල් පද ඇහුණා

හීනියට දෙවට දිග

දෝණියේ මදි වුණේ

පින නොවේ පපුවයි

මට ගන්න බැරි වුණේ

ලේ පයින්ට් හතරයි…

පොත් ගන්න සල්ලි නැති

සිසිලිනා පන්තියේ

කරාබුව ගලවලා

දුන්න උඹ මිය ගියේ…

ලේ ටිකක් දෙන්න බැරි

හරි උගත් මහත්තුරු

නෝනලා ඉන්න මෙහෙ

උඹට හරි කටුකයි

අප්පච්චි මැරුණම

ඇවිත් පලයන් හනිකට

මල් වඩම් පිපුණම

මලක් ඇරගෙන යමන් යන්න ම

දෝණියේ මදි වුණේ

පින නොවේ පපුවයි

මට ගන්න බැරි වුණේ

ලේ පයින්ට් හතරයි…

Written By: Kosala Abeykoon

Image link: https://bit.ly/3k9tCL5