ගල් කුල සමගින් බිමට සමතලා වන කොඩිගහ කන්දේ ජෛව විවිධත්වය

supun 0 Comments

ගල් කුල සමගින් බිමට සමතලා වන කොඩිගහ කන්දේ ජෛව විවිධත්වය. ජෛව විවිධත්වයෙන් අනූන රටක් ලෙස අවිවාදයෙන්ම ශ්‍රී ලංකාව හදුනා ගන්න පුලුවන්. මේ පුංචි රටේ මෙපමණ ආවේණික සත්ව විශේෂ ඉන්නවද කියන එකත් ඇතැම් විටක පුදුමයට කරුණක්. ඒ වගේම මේ පුංචි රටේ කොතරම් නම් ජෛව විවිධත්වයෙන් අනූන පරිසර පද්ධතීන් කිසිවකුගෙ අවධානයට හසු නොවීම විනාශ වෙලා යනව ඇතිද ? අපිට කුඩා කණ්ඩායම් ලෙස පරිසර විද්‍යාවට සරල අධ්‍යනයක් කරන්න වුනා. එහිදී අපි තෝරා ගත්තෙ කලුතර දිස්ත්‍රික්කයට අයත් හොරණ පිහිටි කොඩිගහකන්ද කියන ජෛව විවිධත්වයෙන් බොහොම පොහොසත් කදු ගැටයක්. අක්කර දහ අටකින් යුත් මේ වන පෙතේ ජෛව විවිධත්වය එහි ප්‍රමාණය මත නිර්ණය කල නොහැකි තරම් අති විශාලයි. මෙම පෙදෙසින් සමනල විශේෂ 46 ක් වාර්තා වන අතර ඉන් 6 ක් ඒකදේශික සමනල විශේෂ වනවා. තවද මෙහිදී හදුනා ගත හැකි මත්ස්‍ය විශේෂ අතරින්ද 6 ක්ම ඒකදේශික විශේෂ වනවා. මීට අමතරව උභය ජීවී විශේෂ 5, උරග විශේෂ 18, පක්ෂි විශේෂ 16, ක්ෂීරපායී විශේෂ 16 ක් සහ ශාක විශේෂ 133 කට මෙම පරිසර පද්ධතිය උරුමකම් කියනවා විශාල කලු ගල් පර්වතයක් මත පිහිටා ඇති මෙම දර්ශණීය භූමිය පමණ ඉක්මවා සිදු කරන්නා වූ කලු ගල් කැඩීම හේතුවෙන් ප්‍රභල අනතුරකට මුහුණ පා ඇත. ඉවක් බවක් නැතිව මෙසේ ගල් කැඩීමත් සමග මතු පිට පාංශු ස්ථරය ඉවත් වීමත්, භූගත ජල මට්ටම අඩු වීම නිසා ජල මාර්ග සිදී යාමත් සමග මත්ස්‍යය විශේෂ වල පැවැත්ම මෙන්ම සමස්ත පරිසර පද්ධතියේම පැවැත්මට අනතුරු එල්ල වීමත්, ගල් පිපිරවීමට යොදන වෙඩි බෙහෙත් නිසා නැගෙන්නා වූ අධික ශබ්දය වන සතුන්ගේ ජීවන රටාවන්ට බලපෑම් එල්ල කිරීමත් මේ හා බැදුනු ගැටලු වේ. මීට අමතරව මෑතකදී උන්මාදයක් බවට පත් වූ වල්ලාපට්ටා සොයමින්ද ඇතැමුන් වනය වනසා දමා ඇත. එසේම දඩ මසට ගිජු ඇතැම් නොමිනිසුන් ඉත්තෑවන් ඇල්ලීමට ඉත්තෑ ගුල් අසල සිදු කර තිබූ ඇතැම් ක්‍රියාකාරකම් වල සලකුණුද අපට නිරීක්ශණය කල හැකි විය. මේ සටහන කියවන ඔබට ඒ වෙනුවෙන් යමක් කල යුතුයි … යමක් කල හැකි යයි හැගුනහොත් , නැත්නම් මේ පිලිබඳ තව දුරටත් සෙවිය යුතුයි කියා සිතුනහොත් www.kodigahakandaonline.org යන වෙබ් අඩවියට පිවිසීම මගින් හෝ mihithalamithuro@yahoo.com යන විද්‍යුත් ලිපිනයට විද්‍යුත් පනිවුඩයක් යැවීම මගින් වැඩිදුර තොරතුරු ලබා ගත හැකි වේවි.

DSC04238 DSC04264 DSC04286 DSC04371 DSC04373