දෑසින් පෑ ඉඟිබිඟි

මිහිරි ආදර තෙපුල්

කඩ නොවන පොරොන්දු

දෑස් උකස් කළ දිවුරුම්

සිතැඟි මුසු කළ හසුන්

සොඳුරු පෙම් සැමරුම්

සිත පුදුම කළ තිළිණ

හීන පොදි ගැසූ  ඇමතුම්

මොහොතින් නතර විය…

සැබෑවට පෙම් කළ උන්

කඳුළු තුළ තනි කළ

හිත් පිත් නැති ලෙසින්

හදවත ඉරා කෑලි කළ

සිහින මරා දැමූ

වංචනික පෙම

තවත් බොළඳ හිතකට

සිය මව උකස් කර

දිවුරුම් දෙන්නට විය…

ව්‍යාජ පෙමක පැටලී

තනි හිතකට පෙම් කළ

ඒ මත්තෙම නැහුණු

පොරොන්දු රකිමින්

හීනවලට වෙර දුන් අය

පෙමට වෛර බඳින

බැඳීම් කසාය බඳු වූ

හදවත් ගලවා දැමූ

රොබෝවරුන් බඳු විය…

Written by : Yasumi Anjana

Image Courtesy : https://shutr.bz/2PwkOiK