Colombo Robotics and Innovations සංගමයෙන් කොළඹ විශ්වවිද්‍යාලයට තවත් ජයග්‍රහණයක්…..

Satheeka 0 Comments

කැළණිය විශ්වවිද්‍යාලය මගින් සංවිධානය කළ විද්‍යා 2017 ප්‍රදර්ශනයට සමගාමීව 2017 ඔක්තෝබර් මස 9 වන දින  පැවැත්වුණ Inter University Robotic Competition තරඟයට කොළඹ විශ්වවිද්‍යාලය නියෝජනය කරමින් කණ්ඩායම් දෙකක් සහභාගී විය.එයට සහභාගී වූ කණ්ඩායම් සාමාජිකයන් සහ Colombo Robotics and Innovations සංගමයේ සභාපති තිළිණ සොයුරා සමඟ සුහද කතාබහක යෙදෙන්නට අපට අවස්ථාව ලැබුණා.

ඒ අනුව මුලින්ම අපි කතාබහ කළේ තිළිණ සොයුරාත් සමඟයි.

  • අයියලාගේ සංගමය ගැන පොඩි හැඳින්වීමක් කළොත්?

අපේ Club එක Colombo Robotics and Innovations Club. දැනට පටන් අරන් දෙවෙනි අවුරුද්ද. අපේ සංගමයෙන් Roboticsවලට උනන්දු අයට ඒ පිළිබඳ දැනුම ලබාදීමත් නව නිපැයුම්වලට යොමු කරලා competitionsවලට සහභාගී කරවන එකත් තමයි ප්‍රධාන වශයෙන් කෙරෙන්නේ.

මම 1st year ඉද්දි මම යාළුවො එක්ක Competitions කිහිපයකට සහභාගි වුණා.මුල්ම තරඟය වුණේ මොරටුවෙන් සංවිධානය කරපු SLRC එක.ඒකෙන් අපිට Place එකක් ගන්න බැරි වුණා.එවායින් අපි ලබා ගත්ත දැනුම අනෙක්  Batches වලට දෙන්න හිතාගෙන තමයි අපි අයියලා කිහිපදෙනෙක් එක්ක එකතු වෙලා මේ Club එක පටන් ගත්තෙ.

2nd year ඉද්දි මමයි යාළුවෝ කිහිපදෙනෙකුයි එකතුවෙලා නැවත SLRC තරඟයට සහභාගි වෙලා 2nd place ගත්තා.ඒ ජයග්‍රහණයත් එක්ක අපිට ඉන්දියාවේ පැවැත්වෙන IRC තරඟයට සහභාගි වෙන්න ලැබුණා.එතනින් එහාට අපි තරඟවලට සහභාගි වෙන එක අඩු කරලා පුළුවන් තරම් අපේ දැනුම අනෙක් අයට ලබා දෙන්න තමා උත්සහ කළේ.

  • තරඟ පිළිබඳ Club එක දැනුවත් වෙන්නේ කොහොම ද?

අපි තරඟ පිළිබඳ අවදානයෙන් ඉන්නෙ.ඒ අනුව තමයි අපි කැළණිය විශ්වවිද්‍යාලය සංවිධානය කරපු විද්‍යා 2017 තරඟය ගැන දැනගත්තෙ.මේ අපි මෙම වසරේ සහභාගී වුණු දෙවන තරඟය.පළවෙනි තරඟය SLIIT ආයතනය පවත්වපු  ROBOFEST 2017. ඒ සඳහා 1st years ලාගෙන් එක robot කෙනෙකුත් 2nd yearsලාගෙන් තවත් robot කෙනෙකුත් ඉදිරිපත් කළා.

මෙම තරඟයෙන් දෙවන ස්ථානය දිනාගත් සඳරුවන් සොයුරා ඉන්පසු අපත් සමඟ කතාබහට එකතු වුණා.

  • තරඟය පැවැත්වුණු ආකාරය ගැන විස්තරයක් කළොත්?

මෙම තරඟයේ Task එක තමයි metal balls සහ plastic balls වෙන් කරගන්න එක.ලංකාවේ කසල ප්‍රශ්නයට විසඳුමක් විදිහට තමයි මෙම robot  නිර්මාණය කරන්න තිබුණේ.ලංකාවේ හැම campus එකකින්ම මෙම තරඟයට ඉදිරිපත් වෙලා තිබුණා සහ teams 15ක් පමණ සහභාගී වුණා.

Rounds 2ක් තිබුණා. 1st round එකේ metal balls සහ plastic balls 6ක් arena එකක randomly තිබුණා. ඒවා වෙන් කරගෙන ඉක්මනින් ම හරි position එකට ගෙනියන එක තමයි target එක.එතනින් knockout විදිහට පැවැත්වෙන 2nd round එකට මම select වුණා. Arenas දෙකක් තියෙනවා. Teams’ දෙක බැගින් තරඟ කරන්න ඕනි. Speedම team එක තරඟයේ ඉදිරියට යනවා.ඒ විදිහට මම Final round එකටම ආවා.තරඟ කළේ කොළඹ ICBT එකත් එක්ක.ඒ robot ගොඩක් speed ඒ නිසා මට 2nd place ලැබුණා.

  • තරඟයට සහභාගී වෙන්න තිබුණ සූදානම කොයි වගේ ද?

තරඟයක් ගැන දැන ගත්ත ගමන් අපි club එකේ අය එකතු වෙලා තරඟයේ task එක අනුව හැමෝගෙම ideas අරගෙන  තමයි robot design කරන්නෙ.මේ අනුව අපි මුලින් design කළේ balls 6ම එකවර ගෙනියන විදිහට. මොකද ඒකෙන් time එක ඉතුරු වෙන නිසා. නමුත් ඒක ටිකක් අමාරුයි. ඒ නිසා අපි තරඟයට සහභාගී නො වෙන්න  තීරණය කරලා හිටියත් තරඟයට සතියකට කලින්  දැනගත්තා balls එකින් එක ගෙනියන්න ඕනි කියලා.එතකොට team එකක් එකතු කරගන්න කාලයක් තිබුණෙ නැහැ. නමුත් යම් ස්ථානයක් ලැබෙයි කියලා විශ්වාසයක් තිබුණා.

  • Robot නිර්මාණය වුණේ කොහොම ද?

නිර්මාණය කළ robot, basic line follower කෙනෙක්.මූලික ම parts දෙක වුණේ .Line following part එක සහ balls track කරගන්න arm එක. Time manage කරගන්න ගොඩක් technology and tricks වැඩිපුර භාවිතා කළා. Balls අරන් ආපස්සට එද්දි U-turn නැතුව directly reverse කරන්න sensors ආශ්‍රයෙන් ක්‍රම භාවිතා කළා. Task එක complete කරද්දි short cut paths භාවිතා කළා.

  • ජයග්‍රහණය කළ මොහොතේ දැනුණ හැඟීම විස්තර කරන්න පුළුවන් ද?

සතුටුයි.ගිය අවුරුද්දෙ අපි රුහුණ engineering Faculty එක සංවිධානය කරපු තරඟයකට team එකක් විදිහට සහභාගී වෙලා 3rd place ගත්තා.එය තමයි මේ විෂය සම්බන්ධයෙන් මගෙ ජීවිතේ ලබපු පළවෙනි ජයග්‍රහණය. මේ අවුරුද්දෙ 1st place ගන්න try කළත් 2nd place හරි ලැබුණා.මෙම තරඟයට සහභාගී වුණ ගොඩක්  campusවල robotics විෂයක් විදිහට උගන්වනවා.ඒවා අතරින් 2nd place ලබා ගත්ත එක ගැන  ඇත්තටම ගොඩාක් සතුටුයි.

  • මෙවැනි තරඟවලට සහභාගීවීමෙන් ජීවිතයට ලැබෙන දේවල් මොනවා ද?

ඇත්තටම අපි තරඟයකට සහභාගී වෙලා බලාපොරොත්තු වන ප්‍රධාන ම දේ ජයග්‍රහණය.ඊට අමතරව ඊළඟ තරඟයට සූදානම් වෙන්න අනෙක් කණ්ඩායම්වල තත්ත්වය දැනගන්නත් මෙම තරඟ වැදගත් වෙනවා.විශේෂයෙන් මෙම තරඟ වලට සහභාගි වෙන අයත් එක්ක කතාබහ කරලා දැනුම හුවමාරු කරගන්න ලැබෙන අවස්ථාවත් වැදගත් වෙනවා.

  • අයියාට අනෙක් පාර්ශවවලින් ලැබුණු සහය මතක් කරනවනම්?

මම campus එද්දි අපේ club එක ආරම්භ කරලා තිබුණේ.තිළිණ අයියා හැම සතියෙම හවස පන්ති පවත්වලා අපිට අවශ්‍ය දැනුම ලබාගන්න ගොඩක් උදව් කරනවා.ඒ ඉගෙන ගත්ත දැනුම සහ මම තනියම ඉගෙන ගත්ත දේත් එකතු වෙලා තමයි මෙම final result එක එළියට එන්නෙ.ඒ වගේම පුංචි කාලේ ඉඳන් ම මේ වනතෙක් ම මගේ තාත්තා පුලුවන් හැම සහයෝගයක් ම මට දෙනවා.

මෙම තරඟයට සහභාගී වූ පළමු වසර කණ්ඩායම අපත් සමඟ අදහස් හුවමාරු කරගත්තේ මේ විලසින්..

  • 1st yearsල විදිහට robotics club එක පිළිබඳ ඔබේ අදහස කුමක් ද?

ඇත්තටම Campus එද්දි අපිට robotics ගැන දැනුමක් තිබ්බෙ නැහැ.නමුත් club ගැන දැන ගත්තහ ම ආසාවට join වුණා.තිළිණ අයියා පවත්වපු classes’ වලට සහභාගි වුණා. Competitionsවලට සහභාගි වෙලා දැකපු දේවල් එක්ක තව දුරටත් robotics කරගෙන යන්න කැමැත්ත ඇතිවුණා.

  • ඔබේ කණ්ඩායම ඉදිරිපත් කළ robot මොන වගේ ද?

අපි කලින් තරඟයට ඉදිරිපත් කළ robotම modify කරලා තමයි මෙම තරඟයට ඉදිරිපත් කළෙත්.අත්දැකීම් අඩු කමත් සූදානම් වෙන්න තිබුණ කාලය අඩු වීමත් නිසා අපිට දෙවන වටයට එන්න බැරි වුණා.තිළිණ අයියාගේ උදව් ඇතුව ඉගෙන ඉගෙන ගනිමින් තමයි මෙම robot නිර්මාණය කළේ. තිළිණ අයියට තමයි ලොකුම ගෞරවය හිමිවෙන්න ඕනි.

  • Robotics විෂයට අයියාගේ ජීවිතයේ මොන වගේ තැනක් ද තිබුණේ?

ඇත්තටම ගොඩක් ලොකු ආසාවක් තිබුණ සහ තාමත් තියෙනවා. පුංචි කාලේ සෙල්ලම් බඩු ගලවලාම තමා Roboticsවලට තියන ආසාව ඇති වෙන්න ඇත්තෙ. මම පාසල් යන කාලේ මේ සම්බන්ධව තිබුණු හැම තරඟෙකටම වගේ සහභාගි වුණත් ජයග්‍රහණ ලබා ගන්න බැරි වුණා.ඒ ගැන ගොඩාක් දුක හිතිල අඬලත් තියෙනවා.හැමදේම තනියම තමා ඉගෙන ගත්තේ. මගේ ගම කුරුණෑගල.ඉතින් අවශ්‍ය උපකරණ කොළඹදි වගේ හොයාගන්නත් අමාරුයි.මුලඉඳන්ම අතින් හදන්න ඕනේ.මගේ පාසල කුරුණෑගල මලියදේව විදුහල.මම පාසලෙන් ඉවත් වෙන්න කලින් පාසලේ Robotics සංගමයක් ආරම්භ කළා.දැන් ඒ සංගමය ලංකාවේ පාසලක තියෙන හොඳම Robotics සංගමය.ඒ ගැන ගොඩාක් සතුටුයි.

  • විශ්වවිද්‍යාලයේ Robotics සංගමයට යොමු වුණේ කොහොමද කියලා සඳහන් කළොත්?

විශ්වවිද්‍යාලයට එන්න කලින්  FOS Media එකෙන් කරපු video එකක් දැක්කා.ඒකෙන් තමයි දැන ගත්තේ Colombo University එකේ Robotics club එකක් තියෙනවා කියලා.ඇත්තටම එදා තමයි මගේ ජීවිතයේ සතුටුම දවස.

අවසාන වශයෙන් තිලිණ සොයුරා සඳහන් කළේ මෙවැන්නක්.

Robotics කියන්නේ නවීන තාක්ෂණය සමඟ අත්වැල් බැඳගත්තු විෂයක්.ගොඩක් වෙලාවට අපි පුද්ගලිකවම තමා මේ වැඩවලට වියදම් කරන්නේ.ගොඩක් අය හිතනවා  competition එක win කළාම ලොකු මුදලක් ලැබෙනවා කියලා.නමුත් ඇත්තටම ඒ වගේ දෙතුන් ගුණයක මුදලක් වැය වෙනවා Robot හදද්දි.සමහර වෙලාවට අන්තිම මොහොතේ මොකක් හරි part එකක අවුලක් එන්න පුලුවන්.එතකොට නැවත වියදම් කරන්න සිද්ධ වෙනවා.

ඒ වගේම robotics කියන්නෙ සැලකිය යුතු ඉඩක් අවශ්‍ය කරන විෂයක්.මොකද Robot කෙනෙක් හැදුවම එයාව test  කරලා බලන්න සැලකිය යුතු ඉඩක්  අවශ්‍ය කරනවා.තවමත් අපට වෙනම ස්ථානයක් ලැබිලා නැහැ.අපිට කියන්න තියෙන්නෙ ඒ වගේ ස්ථානයක් ලබාදෙන්න පුලුවන් නම් ඒක ගොඩක් වටිනවා කියලා

ඒ වගේම සඳරුවන් සොයුරා අවසාන වශයෙන් සඳහන් කළේ මෙවැන්නක්

තිලිණ අයියා සමඟ මම එකඟ වෙනවා.Robotic club  එක ආරම්භ කරලා කෙටි කාලයක් තුළ දී අපි Campus එක වෙනුවෙන්  ජයග්‍රහණ රැසක් ලබාගෙන තිබෙනවා.ඉතින් අපිට ස්ථීර තැනක් ලැබෙනවනම් ඒක අපිට ලොකු උපකාරයක් අපේ ඉදිරි ගමනට.

ඒ වගේම තමයි කැමති ඕනෙම කෙනෙක් ට අපිත් එක්ක join වෙන්න පුලුවන්. ආසාවක් විතරයි ඕනේ.දැනුම club එක හරහා ලබා ගන්න පුලුවන්.මං ආරාධනා කරනවා ඕනෙ ම කෙනෙක්ට අපිත් එක්ක එකතු වෙන්න එන්න කියලා.

අවසන් වශයෙන් පළමු වසර නියෝජනය කරමින් ළහිරු සොයුරා මෙසේ සඳහන් කළා.

Robot කෙනෙක් හදලා ඉවර වුණහම දනෙන සතුට…. මට විස්තර කරන්න වචන නෑ. මම ආරාධනා කරනවා මේ club  එකට join වෙන්න කැමති ඕනෙම කෙනෙක්ට අපිත් එක්ක එකතු වෙන්න.ඇත්තටම අලුත් අත්දැකීම් රාශියක් ලබාගන්න පුලුවන්.

Colombo Robotics and Innovations සංගමයේ අපේම සොයුරු සොයුරියන් පිළිබඳ අපට දැනෙන්නේ මහත් ආඩම්බරයක්. ඉදිරියේදි තවත් ජයග්‍රහණ ලබනු දැකීම FOS Media අපේ බලාපොරොත්තුවයි.

කණ්ඩායම් සාමජිකයන්;

  1. SPLINK – සඳරුවන් මදුශංක, දුමින්ද කොස්ගහකුඹුර .
  2. Robot Killers – ළහිරු මදුශංක, අචින්ත පෙරේරා, සේඛා දළුවතුමුල්ල, ඉසුරු නයනක, සංජුල දසුන්ප්‍රිය .

පිළිවිසීම : සඳරු ප්‍රනාන්දු සමඟ සතීකා ජයසිරි.