තෝකියෝව පුරා බෝ වීදිවල සැරීමි
හුරු පුරුදු අවන්හල තනිව මග බැලීමි
කබුකි රඟහල අසල දොරටු මුර කළෙමි
නොහඳුනන නෙත් අතර ඔබේ නෙත් සෙවීමි
කිසි දිනෙක හමුනොවන බව හොඳින් දනිමි
නෑ යලිත් හමුවේවි මහද සනසවමි
සොඳුරු අතීතය ඇඳුනු මතක පොත හරිමි
අපට පමණක් අයිති ලෝකයක ගිලෙමි
කලක් ආලෙන් වෙලී වෙන්ව යති පෙම්වතුන්
පසු කලෙක කල් ගෙවති මළගියඇත්තන් ලෙසින්
නොරිකො දෙවොන්දරා අප කතාවත් ඒ නමින්
නම් තබමි මළවුන් අතර හමුවන්න දිවුරමින්…
Image coutersy- https://pin.it/e6vnhomf3poyr3