ළා හිරු කිරණ ළපලු අතරින්
කෙමෙන් ගලන විට
මඳ පවන විත් අතු පතර
හැපෙමින් තාලෙට සැලෙන විට
හිමිදිරියෙ දැනුනේ නැවුම් ජීවයක්
මඳ පවනෙ තාලයට
ළතා මඬුලු රැඟුම් පානවිට
කුසුම් පිපී සුවඳ හමමින්
අතු අග සරසන විට
සිතට දැනුණේ සිහිල් සුයාමයක්
මළහිරු බසින විට
ගිමන් හරින සියොත් කැළ
නේක නදින්
ගී රාව නැංවූ අපූරුව
මැවුයේ මනරම් සැඳෑ යාමයක්
සොබා අරණට සමුදෙන්න
කාලය එලඹුනත්
සමුගෙන යා යුතු බව දැනුණත්
මනහර මතක සිහි වූ විට
ඇතිවන්නේ සිතෙහි රිදුමක්
Image Courtesy :https://bit.ly/3ofLxl0