නිමිත්ත : ” 17 හැවිරිදි පාසල් ශිෂ්‍යයෙක් හා 16 හැවිරිදි පාසල් ශිෂ්‍යයාවක් පොල්ගොල්ල පාලම මතින් මහවැලි ගඟට පැන සියදිවි නසා ගනිති. මොවුන් දෙදෙනාගේ ප්‍රේම සබඳතාවයට දෙපාර්ශවයෙන්ම බාධා පැමිණි බව වාර්තා වේ.” – පුවතක්

අමාවක අහස ද

තරු රැසින් එළිය වේ

අඳුරින් පිරි මගේ ලොව ද

නුඹ ප්‍රේමයෙන් එළිය වේ

එනමුත් නොහැකිය එක්වන්නට

නුඹටත් මටත් මේ ලොවේ

එනවා ද පිය මනින්නට

එක්විය හැකි ලොවක් කරා?

පෙම් කළ හැක අපට

නිදහසේ ඒ ලොවේ

සිපගන්නට හැක නුඹව

මා හට රිසි සේ

පෙම්බස් දොඩන්නට

දෑතවත් අල්ලන්නට

ඉඩක් නැති මේ ලොවේ

සදාකාලික දුකමය

නුඹට ද මට ද උරුම

ඉතින් සොඳුරිය

විඳවමු ද අපි

විරහවේ නාමයෙන් ?

එසේ නැත්නම්

මියැදෙමු ද අපි

ප්‍රේමයේ නාමයෙන්…?

-සමාප්තයි-

Written By : Pramod Dilshan

Image Courtesy : https://bit.ly/3gGQqgM