සුදු දියමානෙල් පොකුරක් අතගෙන
ශ්වේත වර්ණ සළුවෙන් ගත සැරසුණ
ගෙතු කෙස් කළඹයි ළැම මත දඟලන
දුටු සුන්දර දසුනයි සිල් බිඳවන
නිල්වන් දෙනයන සිත වශි කරවන
නා දලු දෙතොලයි රාගෙන් මත්වන
රෝස මලක් දෙකොපුල් රතුවන
බැලු සුන්දර දසුනයි නෙත් පිනවන
කිරි සුදුවන් දසනින් මුව විහිදා
හිනැහී ඇය මගෙ හද නැවතූවා
හිත තුළ ඇති වූ හිරි ඔත් බිඳවා
නැවත වරක් මා ඇය දෙස බැලුවා
මගෙ නෙත් ඇගෙ නෙත් එකිනෙක ගැටුණා
හිරියෙන් ඇය බිම බලාන උන්නා
අත වූ නෙළුමක් මා අත තැබුවා
කෝල සිනහ පා ඇය පිය නැගුවා
Image Courtesy: https://bit.ly/388QVOo