නිල්වන් නෙතග දෙස හොරැහින් බලන කල
වටකුරු මුවග ඔරවයි විහිදුවා දල
රත්පැහැ කොපුල් සඟවා පෙන්වමින් බල
මුනිවත රකී විඳිමින් මඳ සිහිල් නල
මියුරු ස්වරය ගී තනුවක් කරයි රස
සයුරු රැල්ල මුළු වෙරළම කරයි හැඩ
දැදුරු ඔයේ ජල දහරා කරයි සොබ
රුසිරු නුඹේ දැකුමන් මා කරයි ගොත
පරක් තෙරක් නොදුටුව මේ අහස යට
පහන් සිතක් ඇති අයෙකුව දුටුව මට
සිතින් මවමි ඒ රුව ගුණ මෙනෙහි කොට
මවන් නුඹේ දසුන් මේ මගේ දෑස යට
ගලක් නොවේ මගේ හදවත නුඹේ වගේ
සිතට සුවය ගෙනෙනා එය මලක් වගේ
නැතය මගේ තෙලිතුඩ පන්හිඳක් වගේ
කතක් ඔබට වෙමි මම සුරඟනක් වගේ……..
Image Link : https://bit.ly/3eOW40t