කතුවරුන් ගැන සිතනු කුමට ද?

Share

මියුරු වදනක අරුත නොදරන
සවන්පතකට ගයනු කුමට ද?
සොඳුරු දසුනක අගය නොපෙනෙන
නෙතු පියන් රූ මවනු කුමට ද?

සිනා රැඳවුණු මුවග අසිරිය
දරනු බැරි සිත් සතන් කුමට ද?
නෙතඟ කඳුළක බැඳුණු සුසුමක
සතුට සොයනා මනස කුමට ද?

ප්‍රේම උල්පත් සිඳී යනු දැක
ඉපිලෙමින් තොල් මරනු කුමට ද?
කිතු ගොසින් හැඩවෙනා දිවි දැක
ඉරි තැලී යන හදක් කුමට ද?

එලෙස පිටුපා සොබාදහමට
වියැළිලා යන භවය කුමට ද?
පණගැහෙන ඒ නිසරු දිවි ඇති
කතුවරුන් ගැන සිතනු කුමට ද?

Image Courtesy : https://bit.ly/32v7e7d

 

 
Tagged : /