හිසටත් ඉහළින් වැජඹුණු පොත් අතර
ජීවිතයේ අරුත සොයන්නට තැත් කළ මට
එතෙක් මා අසලට වී සිටිය මුත් නුඹ
මගෙන් වෙන්වී සැඟව ගිය බව
වැටහුණේ නෑ මෙමට
මුණගැසුන අසීරුම විභාගය ඉදිරියේ
නුඹ සිහි කරන්නට වෙලාවක් කොහි වීද
ඈත කොණකට වී මා දෙස බලනමුත්
ළඟට ගෙන විඳින්නට අවස්ථාවක්
ලැබුණෙ නෑ මෙමට
වරද නුඹෙ නොවුන ද වරද මගේ ද නොව
උසස් පෙළ අභියස දී අසරණ වූයේ මෙ මම
එකදු අවසරයක් නොලද්ද ද ඒ දවස
තත් බිඳ නේක ස්වර එකින් එක වයන්නට
කාලය මිඩංගු කළ
හැකිය දැන් මෙමට
වසර දෙක තුනක දිගු නිහැඬියාව බිඳ
විඳින්නට ජීවිතේ නැවුම් ගීයක් විලස
නැවතත් වාරයක් ඒ පෙමින් වෙළෙන්නට
අවසරය දෙන්න ඉතින් මට මගේ
ආදරණීය ගිටාරය…
Image Courtesy :
https://s5.favim.com/orig/69/autumn-cute-girl-guitar-Favim.com-615624.jpg
