හ්ම්ම්ම්ම් දන්නෙම නැතුව කාලේ ගෙවිල යනවා.කොළඹ සරසවි බිමේ අප ගත කරපු පලවෙනි අවුරුද්දත් ගෙවිල ගියා.තව ටික දවසකින් විභාගේ. මමත් ඉතින් blog ලිව්වට විභාගෙත් කරන්න එපැයි. ඒ අතරතුරේ අපේ පලවෙනි semester එකේ ප්‍රතිපලත් ලැබුනා. ඇත්තටම කොළඹ සරසවියට තේරුනා කියල දැනගත්තම මම සතුටෙන් ඉපිල ගියා.

සරසවි නායකත්ව පුහුණුව හමාර වී නිවෙස් කරා එන ගමනේදී ලංකාවේ හොදම කැම්පස් එකට තේරුණා කිව්වම, ලංකාවේ අංක එකේ විද්‍යා පීඨයට තේරුණා කිව්වම හිතට මහත් ආඩම්බරයක් දැනුනා. ඕකෙන් මේකෙන් විශ්වවිද්‍යාලයේ ලියාපදිංචි වෙලා හා හා පුරා කියල කොළඹ සරසවි බිමට පා තැබුවේ නවක සිසුන් විදිහට තරමක් සිතේ චකිතයකින්. අයියලාගේ අපිට අප්‍රිය වූ එයාලට ප්‍රිය වූ සුන්දර පතෝල වැනි වද වේදනා මැද අපේ අධ්‍යන කටයුතුත් පටන් ගත්ත. කාලය නොදැනුවත්වම ඉගිල ගියා. ඊලගට කනගාටු දායක සිදුවීමකුත් උනා සරසවියේදී. ඇත්තෙන්ම ඒ සොහොයුරියගේ වෙන්වීම අපට මහත් දුකක් ගෙන දුන්නා.

ඊලගට හා හා පුරා කියල අපේ පලවෙනි විභාගෙත් පටන් ගත්ත. විභාගය අවසාන වූ වහාම දෙවෙනි semester එකත් පටන් ගත්තේ එක හුස්මට වගේ. ටිකෙන් ටික කාලේ ගෙවිල ගියා. අපේ freshers Night එක ඉතාම අලංකාරවත්ව පැවැත්වුණා. අයියල ගොඩක් මහන්සි වෙලා කැප වෙලා තිබුනා. අපට එදා දවසේ කැම්පස් එකට අවම අදහගන්නත් බැරි උනා. ඊලගට කට්ටිය batch trip එක බෙලිහුල් ඔය ආදර කන්දේ ගියා. මට නම් යන්න බැරි වුණා. ඒකට නම් මාර දුකක් දැනුනා.

දැන් ඉතින් අපේ දෙවෙනි විභාගෙත් පටන් ගන්න ඔන්න මෙන්න. කට්ටිය කුප්පි දානවා, පාඩම් කරනවා,ගණන් හදනවා. මේ ගත වුනු අවුරුද්දේ සිදුවුණු රසවත් සිදුවීම් මතක් වෙනකොටත් හිනා යනවා. කැම්පස් එකේ ජනප්‍රිය චරිත කීපයක් ඉන්නවා. එක්කෙනෙක් අපේ ඩෙලා, කුප්පි කාලයට වැඩිම ඉල්ලුමක් තියෙන්නේ මෙන්න මෙයාට තමයි. ඊලගට කුප්පි රජා ඉතින් ගුණේ තමයි. ආදරේට ඉතින් අපේ අය ගුණේ කියල තමයි කියන්නේ. ඒ අතරේ spell binder ටත් කුප්පි සදහා ඉල්ලුමක් පවතිනවා.

කැම්පස් එකේ ජනප්‍රියම පුද්ගලයා තමයි අපේ හේලි ඉසුරු නොහොත් කත්තා. එයා බලන් ඉන්නේ අලුත් අය එනකන්,සංගමේ අලුත් තනතුරු බාර දෙන්න. ඊලගට කවුරු සභාපති වෙයිද දන්නෑ, මොකද වර්තමාන සභාපති සංගමේ වෙනුවෙන් මහත් කැප කිරීමක් කලා. ඉතින් මමත් දැන් පාඩම් එහෙම කරන්න යන්න ඕනේ.

අපේ පලවෙනි වසරේ සහෝදර සහෝදරියන්ට සුභ පතනවා.ජය වේවා!!!