සිතුවිලි හට විවේකයක්
නොම වේවී කවර කලත්
අරමුණු හා වෙළී ගැටී
තනන විටදී සිතුම් ගඟක්
මාර බලය රජ කරනා
තැන නම් ඒ සිතම තමා
භවෙන් භවේ අවිදු අඳුර
දෙසටම අප යොමු කරනා
දසත විහිදි මෝහ අඳුර
සසර ගැඹුර වසා දමා
තෘෂ්ණා යදමට සවි දී
සසරට තව බැඳ දැමුවා
අවැසි වුවත් දැක ගන්නට
ප්‍රඥා ආලෝක ප්‍රභා
ගලන චණ්ඩ සිතුම් දහර
සිතේ එකඟ බව නැසුවා
දිනයක් දිනයක් පාසා
ඉපදි මියෙන සිරුර දරන්
මගේ කියා ගල්කුළකුත්
ඒ සිරුරට වාරු කරන්
නිම නොවෙනා භව ගමනේ
කෙලෙස් ගින්න තුළ දැවෙනා
අසරණයින් නොවේද අප
දහම් සිසිල් සුව සොයනා
Image courtesy : https://bit.ly/2ysW9XL