පහන් සිළු දැල්විලා හැම හද
නැවුම් එළියෙන් පිරේවා
අඳුර දුරලා අලුත් ගමනකට
නවමු මංපෙත් විවර වේවා
කොවුල් නද මෙන් මිහිරි වදනක්
සෑමදා සවනත රැඳේවා
පලින් බරවූ වසන්තයෙ අසිරි
මෙන් දසුන් මේ නෙත ගැටේවා
සිතේ ඇති අමනාපකම් සැම
මැකීලා පෙම ඉතිර යත්වා
අවුල් වියවුල් පිරුණු ජීවිත
සැමට සහනය ලඟා වේවා
බතින් බුලතින් සාරවත් වන
සතුටු දිවියක් උරුම වේවා
මේ ලැබූ නව වසරෙ සැම හට
ජය සතුට නොඅඩුව ලැබේවා
Image Courtesy : http://www.dailymirror.lk