කොළඹ විශ්ව විද්‍යාලයීය විද්‍යා පීඨ වෙබ් අඩවිය නව මුහුණුවරකින් මීට මාස කිහිපයකට පෙර එළි දැක්වුණා. නමුත් එමඟින් නිවැරදිව ප්‍රයෝජනය ලබා ගන්නා ආකාරය පිළිබඳව බොහෝ දෙනෙකු තවමත් දැනුවත් වී නැහැ. ඒ නිසා මේ ලිපියෙන් ඒ සඳහා කෙටි අත්වැලක් සපයා දීමට බලාපොරොත්තු වෙනවා.
පළමුවෙන්ම විද්‍යා පීඨ සයිබර් අවකාශය හා පහත යොමුව (link) මඟින් ලඟා විය හැකියි. http://sci.cmb.ac.lk/
මේ හරහා විද්‍යා පීඨය ලබා දෙන තවත් අන්තර්ජාල සේවාවන් රැසක් හා සම්බන්ධ විය හැකියි. ඒවා නම්
1. Faculty web site.
මේ පිළිබඳ වැඩි විස්තර ලිපියේ ඉදිරියේ විස්තර කෙරෙනු ඇත.
2. Student Information System. (SIS)
මෙමඟින් සියළුම උපාධි අපේක්ෂකයින්ගේ අධ්‍යන කටයුතු විස්තර හා අනෙකුත් විස්තර පාලනය කෙරේ. මෙය සිසුන්ගේ තොරතුරු දත්ත ගබඩාවක් ලෙස හැඳින්විය හැකියි.
විභාග සඳහා ලියාපදිංචි වීම, අධ්‍යන පාඨමාලාවන් තේරීම වැනි විවිධ කාර්යයන් මේ හරහා පහසුවෙන් සිසුන්ගේ නිවසේ සිටම ඉටු කර ගත හැකියි.
3. Learning Management System.(LMS)
සිසුන් හදාරනු ලබන විෂය ඒකක සඳහා අවශ්‍ය අධ්‍යන ආධාර මෙහිදී ලබා ගත හැක. අදාල විෂයන්ගේ අධ්‍යන සටහන්, උපදෙස් ආදිය මෙහිදී ලබා ගත හැකි අතර සිසුන්ට යම් ගැටළු වලට පිළිතුරු ද මේ හරහා ලබා ගත හැකියි.(Using Web Forum)
4. FOS TV
මෙමඟින් විද්‍යා පීඨයේ විශේෂ වැඩසටහන් ඔබට අන්තර්ජාල රූපවාහිනී තාක්ෂණය ඔස්සේ නැරඹිය හැකියි.
5. Sci-Mail
6. Sci-Fi
මෙය විද්‍යා පීඨ සිසුන් හට නොමිලේ Wi-Fi තාක්ෂණය හරහා ලබා දෙන අන්තර්ජාල පිවිසුම් පහසුකමකි (Internet Access Service). ඔබට මේවායේ මුරපදයන්(Passwords) SIS තුලට ඇතුළු වී ලබා ගත හැකියි.
7. Student’s Blog site
විද්‍යා පීඨ සිසුන් හට තම නිර්මාණශීලී කුසලතා ඔප්නංවා ගනු වස් පිහිටුවනු ලැබූ නවතම සයිබර් අවකාශය මෙම බ්ලොග් අඩවියයි. ඕනෑම සිසුවෙකුට තම නිර්මාණ මෙම බ්ලොග් අඩවියේ පළ කරවා ගර හැක.
8. IT Service Center
සිසුන් හට තොරතුරු පද්ධතිය ආශ්‍රිතව හට ගන්න ගැටළු තොරතුර් තාක්ෂණ ඒකකයේ නිළධාරියෙකු හා සම්බන්ධ වී විසඳා ගැනීමට මෙමඟින් පහසුකම් සලසා ඇත. ඔබගේ ගැටළුව Open a new ticket යන්න මඟින් ඉදිරිපත් කල හැකියි.
9. Msc Programs
10.ESL Blog
http://science.cmb.ac.lk/ යන වෙබ් ලිපිනය ඔස්සේ ඔබට විද්‍යා පිඨ නිළ වෙබ් අඩවිය හා සම්බන්ධ විය හැකියි.
මෙහි ඉහලින්ම ඇති Icons බාරය මඟින් ඔබට
- විද්‍යා පීඨයේ නිළ ෆේස්බුක් පිටුව
- විද්‍යා පීඨයේ නිළ ට්විටර් පිටුව
- RSS Feed
- විද්‍යා පීඨයේ නිළ යූ-ටියුබ් චැනලය
- විද්‍යා පීඨයේ නිළ අන්තර්ජාල රූපවාහිනී නාලිකාව
- LMS
- SIS
- Sci Mail හා සම්බන්ධ විය හැකියි.
මෙම Icons බාරයට වම් පසින් ඇති Search Tool එක මඟින් අඩවිය තුල ඔබට අවශ්‍ය තොරතුරක් පහසු සෙවුමක් මඟින් සොයා ගත හැකියි. උදාහරණයක් විදියට ඔබට නව අධ්‍යන වාරය තුල ලියාපදිංචි විය යුතු විෂය ඒකක (Course Units) තේරීම පිළිබඳ කරුණු දැන ගැනීමට අවශ්‍ය යැයි සිතමු. එවිට ඔබ කල යුතු වන්නේ මෙහි ඇති text field එක තුල ඔබට අවශ්‍ය කරුණ සඳහන් වචනයක් හෝ දෙකක් ඇතුලත් කිරීමයි. එයට Course Add යන වචන දෙක ඇතුලත් කල විට ලැබුණු ප්‍රතිඵල පහත දැක්වේ. මෙමඟින් ඔබට අවශ්‍ය තොරතුරු කරා පහසුවෙන් හා වේගයෙන් ලඟා විය හැකියි.
ඔබ Google Doodle ගැන දන්නවාද? ඒ පිළිබඳ දැනුවත් නැත්නම් මේ යොමුව ඔස්සේ Google Doodle කරා යොමු විය හැකියි. යම් කිසි මාසයක හෝ දිනයක විශේෂත්වයක් තම ලොගෝ එක මඟින් ඉදිරිපත් කිරීම Doodle එකක් යනුවෙන් හැඳින්විය හැකියි. එසේ ඉදිරිපත් කර ඇති Doodle එකක් විද්‍යා පීඨ වෙබ් අඩවියේ ලොගෝ එක මඟින්ද සෑම මාසයකට වරක්ම දැක ගත හැකියි. මෙම Doodle එක මඟින් එම මාසයේ ඇති විශේෂ සිදුවීමට යොමුවක් ලබා දී ඇත.
මීළඟට කථා කරන්නට යන්නේ ඉතා වැදගත් කොටස් කිහිපයක් ගැනයි. වෙබ් අඩවිය තුලට පිවිසෙන කෙනෙකු හට ඉතා වැදගත් වන්නේ විද්‍යා පීඨය තුල සිදුවන වැදගත් සිදුවීම් හා විශේෂ නිවේදන(Events and Announcements) පිළිබඳ දැනගැනීම ය. එම විශේෂ සිදුවීම් හා දැන්වීම් Slide show එකට පහලින් ඇති කොටස තුල දැක ගැනීමට පුළුවන. ඒවායිනුත් ඉතාම ආසන්නයේ දිනයක හෝ වෙලාවක වෙබ් අඩවිය තුල පළ වූ නිවේදනය රතු පැහැයෙන් New යනුවෙන් සඳහන් කරමින් යොදා ඇත.
පීඨය තුල ආසන්නයටම සිදු වන වැදගත් සිදුවීම් ඉහත සඳහන් තීරයට දකුණු පසින් පහලින් දක්වා ඇත. (Upcoming Events)
පීඨය තුල අධ්‍යනය ලබන සිසුන් සඳහා වෙනමම තොරතුරු පද්ධතියක් මෙම වෙබ් අඩවිය තුල සපයා තිබෙන්නේ ය. එම සිසුන් කොටස් කිහිපයකට වර්ගීකරණය කර සරල ලෙස තොරතුරු ලබා දීමක් ඇතුලත් කොට තිබේ.
මේ හරහා සිසුන්ට තමන්ගේ අධ්‍යන කාලසටහන්, විවිධ අයදුම් පත්‍ර වර්ග හා ඒ පිළිබඳ විමසීම් යනාදී විවිධ තොරතුරු රාශියක් සපයා ඇත. එමෙන්ම මේ කොටසෙන් තොරතුරු ලබා ගැනීමට කාර්‍යමණ්ඩලය සඳහා ද වෙනම තීරයක් වෙන් කොට ඇත. එමෙන්ම මෙහිදී අවධානයට ලක් කල යුතු විශේෂ කරුණ වන්නේ කොළඹ විශ්ව විද්‍යාලයීය විද්‍යා පීඨයට ඇතුලත් වීමට අදහස් කරගෙන සිටින යම් අයෙකු සඳහා පීඨය පිළිබඳ මෙන්ම මෙහිදී හැදෑරිය හැකි විෂය ක්ෂේත්‍රයන් පිළිබඳව තොරතුරු ලබා දීම ය. එය For Prospective Students යන්නෙන් හා මෙම යොමුව තුලින් දක්වා ඇත.
එමෙන්ම වෙබ් අඩවියේ පහලටම වන්නට විද්‍යාපීඨ පුස්තකාලය හා සම්බන්ධ විය හැකි යොමුවක්ද දක්වා තිබේ.
එයටත් පහලින් Find a Person යන්නෙන් කාර්‍යමණ්ඩලයේ (Staff) හෝ පර්යේෂණ අංශයේ (Research Student) අයෙකු පිළිබඳ විස්තර ලබා ගත හැකිය.
