සයුරට සේදී ආ මිනිසත්කම

යුද්ධය හා මනුසත්කම කියන්නේ තරාදියක දෙපැත්තට දාලා සමබර කරන්න පුළුවන් දෙයක් නොවේ. යුද්ධ පවතින තුන්වන ලෝකයේ රටවල්වලට සිදුවන ඉරණම ගැන කතා කිරීම කාලය නාස්ති කිරීමක් යැයි මට හැඟේ. යුද්ධයෙන් සිදුවන්නේ ජීවිත හානි විතරක් නොවෙ යි. ඒ රටේ පරිසරය, සංස්කෘතිය, සංවර්ධනය, අනාගතය වාගේ බොහෝ දේ නැති වීමට ඉඩකඩ තියනවා. ශ්‍රී ලංකාවෙත් දශක 3ක් පුරාවට තිබු සිවිල් යුද්ධය නිසා අපේ රටට අහිමි උන දේවල් බොහො ම යි. ඒ අඳුරු මතකය අමතක කර රටේ දියුණුව වෙනුවෙන් සියලු ම ශ්‍රීලාංකිකයෝ එකා වගේ එකමුතුවෙන් රට දියුණු කරන්න එකතු වෙන්න කාලය උදා වෙලා තියනවා.

මෑත කාලයේ දී වැඩිපුර කතාබහට ලක් වු මාතෘකාවක් තමයි සිරියානු සිවිල් යුද්ධය. මෙය 2011 වසරේ දී ආරම්භ වුනේ එකල සිරියානු රජය ගෙන ආ අරාබි වසන්තයට විරුද්ධ ව නැගුනු ජන විරෝධයත් සමග යි. ක්‍රම ක්‍රමයෙන් වර්ධනය වෙමින් අදවන විට උණුසුම් මාතෘකාවක් බවට පත් වෙන්නේ දින කිහිපයකට පෙර අන්තර්ජාලයේ වෙබ් පිටු අතර සමාජජාල වෙබ් පිටු අතර ප්‍රචාරය වු එක් ඡායාරුපයක් නිසාවෙනි. ඒ අන් කිසිවක් නොව කුඩා දරුවෙකුගේ මියගිය සිරුරක් වෙරළට ගොඩ ගසා තිබෙන ඡායාරුපය යි. කුරිරු යුද්ධයෙන් බැට කන අහිංසක ජනයාට අවසානයේ දී අත්වන ඉරණම මෙය බව අමුතුවෙන් කිව යුතු නැහැ. යුද්ධය නිසා වැළලී ගිය මනුසත්කම අදවන විට ලෝක බලවතුන්ගේ ඇස් ඇරවන්නට පටන් ගෙන තිබෙනවා.

අයිලාන් කුර්දි, 3 හැවරිදි දරුවා ඇතුළු පවුලේ සාමාජිකයන් අනාරක්ෂිත බෝට්ටුවක නැගී යුරෝපයට පලායාමට දැරූ උත්සාහයක දී ඉතා අවාසනාවන්ත ලෙස මහා මුහුදේ දී බෝට්ටුව මුහුදුබත් වී අයිලාන් ඇතුළු 17 දෙනෙක් ජිවිතක්ෂයට පත්වුණා. එයින් දිවි බේරා ගත්තේ අයිලාන්ගේ පියා පමණි.

අයිලාන්ගේ සිද්ධිය නිසා යුරෝපයේ රටවල් සංක්‍රමණිකයන් පිලිබඳ ප්‍රතිපත්තිමය වෙනස්කම්වලට මෙන් ම නීතිරීති ලිහිල් කිරීමට පටන් ගෙන තිබෙනවා.බටහිර යුරෝපයට සංක්‍රමණිකයන් ඇතුළු වීමේ පිවිසුම ඔස්ට්‍රියව යි. මේ නිසා ඔස්ට්‍රියා රජය ඉතා ලිහිල් පිළිවෙතක් අනුගමනය කරන්න පටන් ගෙන තිබෙනවා.

එම සංක්‍රමණිකයන්ට ප්‍රවාහන පහසුකම් ප්‍රමාණවත් නොවීම නිසා ඔවුන් කිලෝමීටර දහස් ගණන් දෙපයින් ගමන් කිරීමට සිදු වී තිබෙනවා. ඔවුන්ගේ ආහාර සපුරා ගන්නේ මග දෙපස ඇති බඩඉරිඟුවලිනි. කෙසේ වෙතත් ජර්මනියට පැමිණි සංක්‍රමණිකයන් එරට ජනතාව උණුසුම් ලෙස පිළිගත්තේ මිනිසා තුළ තවමත් ඉතිරි වී ඇති මනුසත් ගුණාංග නිසා වෙනි.

2011 වර්ෂයේ සිට සිරියාව තුල මානුෂීය ආපදාවල බරපතලකම එක්සත් ජාතීන්ගේ සංවිධානය සහ බොහෝ ජාත්‍යන්තර සංවිධාන විසින් සංක්ෂිප්ත ව දක්වා ඇත.මිලියන 7.6 කට වඩා වැඩි සිරියානුවන් පිරිසක් අවතැන් වී ඇති අතර, තවත් මිලියනයකට පමණ ආහාර හා පානීය ජල හිඟයකට ද දරිද්‍ර ජීවන රටාවක් ද ඔවුන්ට මුහුණදීමට සිදුවී තිබෙනවා. ඒ කෘර ලොවෙන් පැන ආ සිරියානුවන් ගණන 350,000 ට වඩා වැඩියි. මෙයින් සයුරෙන් එතෙර වීමේ දී මියගිය ගණන 2600කට වැඩි යි. මේ අසරණ ජනතාවට ඔවුන් සොයන ජීවිතය ලැබේවා යි අප සියලු දෙනාගේ ම පැතුම යි.

සංවේදී චිත්‍ර ශිල්පින්ගේ තෙලි තුඩ මේ සිද්ධිය වෙනුවෙන් වෙන් ව තිබෙනවා. එම චායාරුප පෙළක් පහතින්…….