ඕස්ට්‍රේලියානු වෙරල තීරයෙන් නවතම ඩොල්ෆින් මත්ස්‍ය විශේෂයක් හඳුනා ගැනීමට විද්‍යාඥයන් කණ්ඩායමක් සමත්ව ඇත. මෙම නවතම විශේෂය humpback dolphins යනුවෙන් පොදුවේ සාමාන්‍ය ව්‍යවහාරයේ යෙදෙන ඩොල්ෆින් වර්ගයට අයත් වන අතර ඔවුන් වෙනම විශේෂයක් ලෙස Sousa sahulensis 
යනුවෙන් මෙම සතිය තුල නම් කර ඇත.මොවුන් පිලිබඳ තොරතුරු ඉදිරිපත් කර ඇත්තේ පසු ගිය අඟහරුවාදා Society for Marine Mammology මගින් එලි දැක්වුණු අධ්‍යන වාර්තාවක් හරහාය.

මෙම නවතම සාමාජිකයා සමගින් ලොව පුරා humpback dolphin විශේෂ 4ක් වාර්තා වේ. අඳුරු පැහැ සම සහ ඔවුන්ටම ආවේණික වූ දේහයේ තරමක් පිටුපසින් පිහිටි පෘෂ්ඨීය වරල Sousa sahulensis
සතු සුවිශේෂී ලක්ෂණ වේ. එසේම මොවුන් මීටර් 2.7 පමණ වූ ප්‍රමාණයක් දක්වා වර්ධනය වේ.

මෙම නවතම විශේෂය ඕස්ට්‍රේලියානු මුහුදු තීරය සිය වාසස්ථානය කර ගනිද්දී අනෙක් විශේෂයන් අතරින් විශේෂ 2ක් ඉන්දු පැසිෆික් කලාපයෙන්ද, අනෙක් විශේෂය ඇට්ලාන්ටික් කලාපයෙන්ද හමු වේ. වර්ගීකරණය කිරීමේදී ඔවුන්ගේ ව්‍යාප්තිය , අස්ථි සැකැස්ම , බාහිර සැකැස්ම , මාංශ පේශි වල සැකැස්ම , අනෙකුත් සුවිශේෂී සාධක මෙන්ම ජානමය සාධකද අධ්‍යනයට ලක් කර මෙම නිගමනයට පැමිණි බව මෙම අධ්‍යනය මෙහෙයවූ ආචාර්‍ය තෝමස් ජෙෆර්සන් මහතා මාධ්‍යට සඳහන් කර ඇත.

Reference – http://www.dailymail.co.uk

Image Link – http://i.dailymail.co.uk