විලිබරින් පීඩිතව
දෙදුරුම් කන අහස් කුස දෙස
ගිලන් වූ මගෙ දෙනෙත්
බලා ඉකිගසනු කිම
නිසල සයුර මත ඇති
තනිවුණු ඔරුවක මෙන්
සැහැල්ලුවෙන් පාවුණු
මගේ කෝල සිතට…
නුහුරු නුපුරුදු
මේ කෝඩුකාර හැඟුම
විවර වූ සිත් කවුළු තුළින්
එබිකම් කර
කුණාටුවක මා
අතරමං කළේ කිම
පිණිබර යාමයට සමුදෙනු නොහැකි
තාරකාවක්
දිනකරව යම් දිනෙක
මිහිකත දකිනු වස්
පෙරුම් පුරන සේ…
මිලින වනු නොහැකි මගෙ
හිතුවක්කාර හැඟුම් ගොන්නට
ආඩම්බර නුඹෙ හිත් කොන
කුසුමක්ව විකසිත වන්නට
ඇවැසි වූයේ කිම
image courtesy : https://goo.gl/c9cddx