මේ ලිපියට විශේෂයෙන්ම ඉලක්ක කරන්නේ අපේ බ්ලොග් ලියන නංගිලා මල්ලිලාවයි. විශේෂයෙන්ම ඉංග්‍රිසි භාෂාවෙන් ලිපි ලියන අය මෙය කියවා මෙහි සඳහන් කරුණු ලිපි ලියන විට හැකි තාක් යොදා ගැනීම ඉතා සාර්ථක ප්‍රතිඵල අත් කර ගැනීමට හේතුවක් වෙනවා.
Search Engine Optimization (SEO) යනුවෙන් හැඳින්වෙන්නේ search engines (උදා:google.com) මඟින් යම් වෙබ් අඩවියකට පැමිණෙන පිරිස වැඩි කර ගැනීමේ උපක්‍රමයකි. ඇත්තෙන්ම SEO යනු ඉතාම විශාල මාතෘකාවක් වන අතර ඒ ගැන මෙසේ කුඩා ලිපියකින් සඳහනක් කිරීම පවා උචිත නෑ. කෙසේ නමුත් search engine එකක් මඟින් අප ලියන ලිපියක් තේරීමේ (filtering) හැකියාව ඉහල නංවන එක් උපක්‍රමයක් පමණක් මෙහි සඳහන් කරන්නම්. තවත් එවැනි ක්‍රම සිය ගණනක් දැනට භාවිතාවේ පවතිනවා. 
මේ ක්‍රමය තමයි Google trends භාවිතා කර keyword එකක් යොදා තමන් ලියන ලිපිය අයිති මාතෘකාව පිළිබඳ පුද්ගලයින් Google හි search කරන ආකාරය සොයා ගැනීමයි. මෙම search එකෙන් ලැබෙන search results හා related search වලින් ලැබෙන keywords අපගේ post එක තුල භාවිතා කිරීමෙන් search engine මඟින් අපගේ ලිපිය අනෙක් ලිපි අභිබවා search වීමේ හැකියාව ඉහල යයි. නමුත් මෙම keywords එක post එකක ස්ථාන 3කට හෝ 4කට වඩා නොයෙදීම ද කල යුතු වෙනවා. මෙය මේ keywords වලට පමණක් නොව ඕනෑම වචනයක් වැඩි වාර ගණනක් යෙදීම search engine මඟින් reject වීමට බලපාන කරුණකි. එ නිසා මේ වචන තමන්ගේ රුචිය අනුව නොව ඉතාම කළමණාකාරීව යොදා ගැනීම වැදගත් වෙනවා. මේවා post එක පුරාම විසුරුවා භාවිතා කිරීම මඟින් ඉතා හොඳ ප්‍රතිඵල ලබා ගැනීමට පුළුවන්.
දැන් බලමු තමන්ගේ postඑකකට අදාල keywords සොයා ගන්නේ කෙසේදැයි කියා. මුලින්ම Google Trends වෙත යන්න. ඔබ ජාන (genes) ගැන යම් post 1 ලියන්නට අදහස් කර ගෙන සිටිනවා යැයි සිතමු. search box එකෙහි genes යනුවෙන් search එකක් දමන්න. එවිට එම යෙදුම search කරන පිරිස, රටවල් හා ප්‍රමාණය විස්තර සහිතව පෙන්වනු ඇත. එමෙන්ම වැදගත්ම දේ වනුයේ related searches හි සඳහන් keywords ය. මේවාද ඉන්පසු අපගේ post එක සඳහා යොදා ගැනීම search results ඉහල නැංවීමට දායක වේ.
Google trends ලබා දෙන විස්තර අනුව මෙම වචනයේ වැදගත් කම ගැන අවබෝධයක් ඔබට ලබා ගත හැකියි. සෑම විටම බොහෝ පිරිසක් විසින් නිතරම search කරන වචන සොයා ගැනීමත් ඒවා භාවිතා කිරීමත් වැදගත් වෙනවා. එමෙන්ම අපගේ ලිපියේ මාතෘකාව (title) හා URL යෙදීම ඉතා සැලකිලිමත්ව කල යුතු වෙනවා. බොහෝ විට search engine එකක් article indexing කිරීමේදී වැඩි අවධානයක් යොමු කරන්නේ ලිපියේ URL එකට හා title එකටය. එම නිසා ලිපියක ගැලපෙන අර්ථයක් ඇති URL එකක් යෙදීම කල ඉතා වැදගත්. අපගේ බ්ලොග් අඩවියට ලිපි ලියන විට permalink යනුවෙන් සඳහන් ව ඇති link එක සුදුසු පරිදි වෙනස් කිරීමෙන් ලිපියට ගැලපෙන යොමුවක් (link/url) ලබා දීම කල හැකි වෙනවා. සිංහල ලිපි ලියන විට මෙම permalink එක සඳහා ඉංග්‍රීසි බසින් තේරුම ගෙන දෙන වාක්‍යක් යෙදීම මඟින් ලිපිය search වීමේ ප්‍රවණතාව ඉහල යයි. මාතෘකාව යෙදීමේදී ඉතා කෙටි හා ඉතා දිගු නොවන එමෙන්ම ලිපියේ ඇතුලාන්තය ගැන හොඳින් අදහසක් ලබා හැකි මාතෘකාවක් යෙදීම වැදගත් වෙනවා.
මේ ආකාරයෙන් තමන් ලියන මාතෘකාවට අදාලව search කිහිපයක් කිරීමෙන් පුද්ගලයින් නිතරම search කරන keywords සොයා ගත හැක. ඒවා යොදා අපගේ post එකද ලිවීම මඟින් අපේ එය search වීම ඉහල යන අතර අඩවියකට පැමිණෙන පිරිස වැඩි කර ගැනීමටද හේතුවක් වෙයි.