කොළඹ විශ්වවිද්‍යාලයීය නවක සිසුනගේ ක්‍රීඩා උළෙලේ තෙවැනි දින සනිටුහන් කරමින්, එහි බැඩ්මින්ටන් තරගාවලිය විශ්වවිද්‍යාලයීය ගෘහස්ථ ක්‍රීඩාංගණයේදී මාර්තු මස 3 වන දිනඉතා උණුසුම් මුහුණුවරකින් පැවැත්විණි. මෙම තරගාවලිය සදහා විද්‍යා පීඨය, වෛද්‍ය පීඨය, නීති පීඨය, කළමනාකරණ හා මූල්‍ය පීඨය සහ කොළඹ විශ්වවිද්‍යාලයීය පරිගණක අධ්‍යනායතනය වෙනුවෙන් ක්‍රීඩක ක්‍රීඩිකාවන් රැසක් සහභාගීත්වය දැක්වූ අතර තම පීඨයන් හි සොයුරු සොයුරියන්ගේ නොනවතින ඔල්වරසන් හඬ මධ්‍යයේ ඔවුනට තරඟ කිරීමට සිදු විණි.

මෙහි පිරිමි අංශයේ ප්‍රථම ස්ථානය හිමිවූයේ කොළඹ විශ්වවිද්‍යාලයීය පරිගණක අධ්‍යනායතනයටය. එහි දෙවන හා තෙවැනි ස්ථාන පිළිවෙළින් වෛද්‍ය පීඨය හා විද්‍යා පීඨය හිමි කරගන්නා ලදී . කාන්තා අංශයේ ප්‍රථම ස්ථානය විද්‍යා පීඨයට හිමිවිණි. ඉතා තියුණු ලෙස පැවති බැඩ්මින්ටන් තරගාවලියේ සමස්ථ ශූරතාවය විද්‍යා පීඨය හා වෛද්‍ය පීඨය අතර සම සමව බෙදී ගිය අතර තෙවැනි ස්ථානය කොළඹ විශ්වවිද්‍යාලයීය පරිගණක අධ්‍යනායතනය විසින් දිනා ගන්නා ලදී.

බැඩ්මින්ටන් තරගාවලිය එදින නිමා වූවද මෙවන් වූ උද්‍යෝගකර නවමු අත්දැකීම් රැසක් සමඟඉදිරි දිනයන්හි දී ද කොළඹ විශ්වවිද්‍යාලයීය නවක සිසුනගේ ක්‍රීඩා උළෙලේ තවත් තරග පැවැත්වෙනු ඇත.

තවත් ඡායාරූප සඳහා පිවිසෙන්න : “Freshers’ Tournament 2017 – Badminton” by FOS Media 

https://www.facebook.com/pg/fosmedia/photos/?tab=album&album_id=1577449295603169