ඔරු පැදීමට නව මුහුණුවරක්….

Events, Inter Faculty Freshers 2017, Jayamini 0 Comments

මාර්තු මස 09 වන දින, කොළඹ විශ්ව විද්‍යාලයීය නවක සිසුන්ගේ ඔරු පැදීමේ ක්‍රීඩා තරඟය ජයග්‍රාහී තියුණු තරඟයක් පෙළහර පෑවේ නව මුහුණුවරකට ද උරුමකම් කියමිනි.

ඔරු පැදීම ව්‍යවහාරයේ ජලය ආශ්‍රිත ක්‍රීඩාවක් ලෙස නම් කෙරුණ ද, මෙහි විශේෂත්වය වූයේ විශ්වවිද්‍යාලයීය ගෘහස්ථ ක්‍රීඩාංගනය තුළ ව්‍යායාම උපකරණයක ආකෘතිය රැගත් උපකරණයක් ආධාරයෙන් කාන්තා සහ පිරිමි දෙපිරිසම තම ජවය තුළින් ජයග්‍රහණය ළඟා කර ගැනීමයි. මෙය සාමූහික ක්‍රීඩාවක් වූ අතර මෙම තරඟය සඳහා විද්‍යා පීඨය,ශාස්ත්‍ර පීඨය,කළමනාකරණ හා මූල්‍ය පීඨය,කොළඹ විශ්ව විද්‍යාලයීය පරිගණක අධ්‍යයනාතනය, වෛද්‍ය පීඨය සහ නීති පීඨය නියෝජනය කරමින් ක්‍රීඩක ක්‍රීඩිකාවන් රැසක් සහභාගි වූහ.

සමස්ථ තරඟාවලිය ම උද්‍යෝගය පිරුණු ස්ථානයක් වූ අතර, රැස්වූ පිරිසගේ ජයඝෝෂා මැද තියුණු කරට කර තරගයක් අවසානයේ පිරිමි ඉසව්වේ ජය කොළඹ විශ්ව විද්‍යාලයීය පරිගණක අධ්‍යයනාතනය හිමි කරගත් අතර, අනුශූරතාවය කළමනාකරණ හා මූල්‍ය පීඨයටත්,තෙවන ස්ථානය නීති පීඨයටත් හිමි විය. කාන්තා ශූරතාවය නීති පීඨය ලබාගත් අතර, පිළිවෙළින් දෙවන හ තෙවන ස්ථාන වෛද්‍ය පීඨයටත් ශාස්ත්‍ර පීඨයටත් හිමි විය.

හෝරා අටකට ආසන්න කාලයක් පුරාවට පැවති ඔරු පැදීමේ තරගය මෙලෙස නවක සිසුන්ගේ ක්‍රීඩා උත්සවයේ තවත් එක් ක්‍රීඩාවක අවසානය සනිටුහන් කරන ලදී.

ජයග්‍රහණය කළ සැමට FOS Media අපගේ සුභාශිංසන…

ඡායාරූප අනුග්‍රහය:

http://az616578.vo.msecnd.net/files/2016/10/01/636109566958362005-88533838_rowing_crew.jpg