තුන් හිතක නොතිබිච්ච

ආදරේ ඇති කරන්

සියුස් හිත දසඅතක

රිදවලා හේරාට…

රාධාව ලියවුණත්

ක්‍රිෂ්ණගෙ නමට පෙර

ඔහුත් නැවතුණේ

ලක්ෂ්මීයගේ ළඟ…

කුල මලෙන් වැඩක් නෑ

කියුවත් ප්‍රේමයට

මධුරා කුමරියක් ඇයි

විජය ලක් රජ වෙන්ට…

සුදු පාට ටජ්මහල

ෂා-ජහාන් තැනුවාට

තව බිසෝ ගෙනාවලු

තුන් මසක් යන්ට පෙර…

හිතම පේ කරන්

කාශී පෙම් බැන්දාට

බජ්රාඕ ගෙනාවා

මස්තානි මරාතෙට…

පතිවතේ රකින තැන

රැඳෙන බව කීවාට

කෝවලන් නැවතුනේ

මාධවී සයන මත…

පිවිතුරුම උරුමයක්

ලබාගෙන ඩයනාව

හිතකින්ද රැවටුවේ

මුළු ලොවක් පෙම් බැන්ඳ…

පඬුවාස දිවිදෝස

ගිණි දැවුන පඬු පුරය

ගැහැණු රැකි පතිවතයි

සොබාමව් හැඬවූව…

Image Courtesy :

Cover Image – https://shorturl.at/eHlGi