පුංචි දෙයක් – 1

Share

මනසින් උසස් ලෙස සිතන අපි, හැම විට ම ජීවිතය ඉගෙන ගන්නේ පරිසරයෙන්. මේ අපූරු සොබාදහම ඔබට මෙන්ම මනසින් පහත් ලෙස සිතන සත්ත්වයින් ද, ගහට ඇලට දොළට ද ප්‍රේම කරන්නේ, රැක ගන්නට උත්සහ කරන්නේ, එක ලෙසින් ය. පවුලේ බාලයා දඟයෙකි. එලෙසම, මීට වසර බිලියන තුනකටත් කලියෙන් පෘථිවිය මත මුල්ම සාමජිකයින් ලෙස උපත ලද සියල්ල බලා සිටිද්දී, ආසන්නයෙන් වසර මිලියන දෙකකට පමණ පෙර සාමජිකයින් වුනු අපි, අනෙක් සියල්ලන් පරදා අහස ද පොළොව ද සයුර ද මත දඟ දමන්නේ තවම අපි සොබාදහම් මාතාවගේ පුංචි සුරතලුන් නිසා වන්නට ඇත. ශතකයෙන් ශතකය උස් මහත් වන විට මිනිසුන් විසින් කරන දඟකම් වැරදි බවට පරිවර්තනය වන කල, වේවැල් පහර වෙනුවට ලැබෙන දඬුවම වෙනස් වනු ඇත. එය ද සිහියේ තබා ගත යුතුය.

මේ වෑයම පුංචි දෙයක් ඔබට මතක් කර දීමටයි. පුංචි කාලෙ අපි කැමතියි සත්තු ගස් වැල් කතා කරන කතා බලන්න, අහන්න වගේම කියවන්න. පුංචි කෙටි කතා, කාටූන් වුනාට ඒ තුලින් අරන් එන පණිවිඩය අපිට ගොඩක් සමීප වුණා. අන්න ඒ වගේ අපි මතක් කරගමු අපේ පරිසරයේ සමීපත්වය, දයාබරත්වය. ඒ සමීපත්වය, දයාබරත්වය කෘතගුණ දන්නා මිනිසුන් ලෙසට පෙරළා ලබා දෙන්නටත් අපි මතක ඇතුව ම මතක් කරගමු!

පළමු කොටසින් අරං එtumblr_n91443RuhB1r51oypo8_1280න්නේ අපි කවුරුත් දන්න චරිත දෙකක්.

හාවා සහ ඉබ්බා.

හාවා කියන්නෙ අපි දන්න තරමින් බොහොම අහිංසක සතෙක්. වේගයෙන් දුවන්න වගේම බොහොම සංවේදී හදවතක් උරුම සතෙක්. ජීවිත කාලය අවුරුදු 3 ක් වගේ කාලයක්. හදිසියේ ඇති වෙන ලොකු ශබ්දයක් වගේ විශාල කම්පනයන් ඔවුන්ගේ හදවතට දරාගන්න බැහැ. ඒ නිසාම ඔවුන් මරණයට පත් වෙන්න පුලුවන්. ක්ෂීරපායීන් නිසා ඉබ්බා ට වඩා අපිට ළඟින්ම නෑයො වෙන්නෙ මෙගොල්ලො.

ඉබ්බා උරගයෙක්. අපි දන්න බොහොමයක් උරගයො කකුල් නැති බඩගාන සර්ප කුලයේ අය වුණා ට ඉබ්බො කැස්බෑවො කටුස්සො කිඹුලො වගේ සත්තුත් එකතු වෙන්නේ උරග ගණයට යි. ඉබ්බා ගැන කතා කරද්දී ඉබ්බා කියන්නේ බොහොම හෙමින් ගමනක් තියෙන සතෙක්. නමුත් ජීවිත කාලය අවුරුදු සීයක ට ආසන්න කාලයක් ගත කරන්න පුලුවන්.21438ff5d158471e8a624fd5d0cd971c

මේ විස්තරත් එක්ක මතක් වෙන්නෙ අපූරු කතාවක්. හාවා කොයි තරම් වේගයෙන් දිවුවත්, හාව ව පරද්දපු ඉබ්බගෙ කතාව. බාල මහලු කොයි කවුරුත් දන්න ජීවිතය ට ලොකු පාඩමක් කියා දෙන ලස්සන කෙටි කතාවක්. සත්‍ය ලෝකේ හාවො ඉබ්බො රේස් තියන්නෙ නැති වුණා ට, මේ අපූරු සංකල්පය ගොඩනැගුනෙ ඇත්තටම සොබාදහම මේ පුන්චි සත්ත්වයින් දෙපල ට දායාද කරපු ජීවිත කාලයත් ගතිගුණත් නිසා කියල අපිට හිතන්න පුලුවන්.

තමන්ගේ පුලුවන් කම පිළිබඳ ව අධිවිශ්වාසයෙන් පුරසාරම් දෙඩවීම සතුන් තුල කෙසේ වෙතත් මිනිසුන් තුල නම් රැයක් දවාලක් නැතිව අපිට දකින්න පුලුවන්. නමුත් එහි අවසන් ප්‍රතිඵලය අනික් මිනිසුන් අතර පිළිකුළ ට ලක් වීමයි. ජයග්‍රහණය ට ඔබේ වේගය අවශ්‍ය යි. නමුත් නිවැරදි සිහිය, අවබෝධය, එයට එක් කරගැනීම අත්‍යවශ්‍ය යි. අධික වේගය කාලය කෙටි කරන නමුත් ඉක්මනින් වෙහෙස ගෙන එන බවත් මග දෙපස බොහෝ සුන්දර අත්දැකීම් හි සුන්දරත්වය ඔබට අහිමි කරන බවත් සිහියේ තබාගත යුතුයි. ඉබ්බා ට අභියෝග කළ හාවාටත් අවසානයේ අත් වුණේ පරාජයයි. දිනුම් කනුව ට ළං වුනු ඉබ්බා ජය අත් කරද්දීත් සිනාසුනේ ඉතාමත් නිහතමානීව යි. ඒ ජය පිටුපස තිබුණේ නොසැලෙන, ස්ථිර අධිශ්ඨානය සහ සෙමින් ගමනයි. තව ද ඒ ජය ට පිරිසගේ අත්පොලසන් හඬ ද එක් විය.

dea2c0992e1657b4e61c1a03dc0dd276ඉගෙන ගන්න ට දේ බොහෝමයි. ආදරය කරමු. තවත් ළංවී තතු සොයමු. සොබාදහමේ කීකරු දයාබර දරුවන් වෙමු.

නැවත හමුවෙමු දෙවන දිනයක…

 

 

 

Image credis :

https://goo.gl/hSJA2o
https://goo.gl/CzhdEM
https://goo.gl/wJxmhN
https://goo.gl/22F7A3