මගේ ලෝකයේ මගෙ සොඳුර වූ
මගෙ නොවූ මගෙ හිතවතාණෙනි
නුඹයි සිත්සේ සිහින මල් දම්
ගොතා හැඩකළේ මෙමගේ සිහිනේ

නුවන් අද්දර නේක සිතුවම්
වර්ණ කරදුන් සිත්තරාවෙණි
නුඹයි මැවුයේ සොඳුරු සිත්තම්
මගේ යෞවන අහස් තලයට

පන්හිඳට මගෙ අරුත ගෙනදුන්
හිතාදර මා කිවිදාණනේ
නුඹයි දුන්නේ සොඳුරු පදවැල්
නුඹට නොඇසුනු ගීත සයුරට

නුඹෙන් හැඬවූ සොඳුරු සිතුවම
බොඳව ගියෙ අද නුඹේ නෙතු ළග
සිහින බොඳවී අදුර පැතිරිණ
කදුළු නොවැටුනු මගේ නෙතඟට

නුඹ නිසාවෙන් උපන් පන්හිඳ
ගොළු ව ගියෙ අද නුඹේ අභියස
බැන්ද කවිකම් මැවුණු සිතුවම්
නිමා විය අද මුවග අභියස

Image credit – https://goo.gl/images/quBrK5