සිංහ නාදය     ඇති
සංඝ සේනා     පති
තුංග ජව බල  ඇති
යුගයක මහ    යති

කෝට්ටේ ශ්‍රී නාග විහාරයේ විහාරාධිපති අපවත් වී වදාළ පුජ්‍ය මාදුළුවාවේ සෝභිත නාහිමියන් අහිමි වීම රටට මෙන්ම සාධාරණ සමාජයක් පැතූ ජනතාවටත් දරාගත නොහැකි පාඩුවකි. උන්වහන්සේ රටට  කල උතුම් සේවය වචන වලින් කිව නොහැක.

පුජ්‍ය මාදුළුවාවේ සෝභිත හිමියන් 1942 මැයි 29 දා පාදුක්ක මාදුළුවාවේ නම් ගමේ උපන් උන්වහන්සේ දරුවන් තිදෙනෙකු යුත් පවුලක දෙවැනි පිරිමි දරුවා විය. පියා පතිරගේ දොන් අප්පුහාමි ය. මව කරලිනා ය. පි ඩි රත්නසේකර නම් දරුවා 1955 දී මාදුළුවාවේ සෝභිත නමින් සසුන්ගත වු උන්වහන්සේ 1962 දී උපසම්පදාව ලැබුහ. විද්‍යාලංකාර පිරිවෙනෙන් අධ්‍යාපනය හැදැරූහ.

ජන සුභ සෙත උදෙසා උන්වහන්සේ අභිත මෙහෙවරක නියැලුනේ හෙළ සඟ සසුන රකිමින් පෝෂණය කරමින් විදෙස් රටවල ද එය පතල කරමින් සංඝ සේනාපතියෙකු ලෙසින් බහුජන හිත සුව පිණිස කැපකල ආදර්ශමත් ජීවිතය මෙරට ජනතාව තුල ජවයක් මෙන්ම විශ්වාසයක් මතු කලා. ජාතික සන්හින්දියාව උදෙසා නැගු හඬ කාලින චින්තනය හා ක්‍රියාකාරී නායකත්වය සමාජ පරිවර්තනයක් උදෙසා වු පෙළගැස්ම පුජ්‍ය මාදුළුවාවේ සෝභිත හිමියන් පෙන්නුම් කලා.

1982 සිංහල බල මණ්ඩලය පිහිට වු උන්වහන්සේ එවක ක්‍රියාත්මක වු සිංහල වීර විධාන සහ අමද්‍යප සටනට ජාතික නායකත්වය දුන්නා. තව ද ප්‍රමුඛ සමාජවාදී හා සමාජ සාධාරණත්ව ක්‍රියාකාරිකයකු සහ අවිහිංසාවාදී විප්ලවවාදියෙකු ද වුනා. කෙනෙකුගේ වැරදි අඩුපාඩු පෙන්වා දීමට ද ඒවා නොබියව ප්‍රකාශ කිරීමට ද උන්වහන්සේ එඩිතර වුනා. සොභිත හිමියන් සිංගප්පූරුවේ මවුන්ට් එලිසබෙත් රෝහලේ 2015 නොවැම්බර් 8, 2015 දින අපවත් විය. උන්වහන්සේ මිය යන විට 73 වියෙහි පසු වූහ.

2015 නොවැම්බර් 12 දින අවසන් කටයුතු රාජ්‍ය ගෞරව සහිතව සිදුකරන ලද අතර එදින ජාතික ශෝක දිනයක් ලෙස නම් කර ඇත.

උන්වහන්සේට අමාමහ නිවන් සුව ප්‍රර්ථනා කරමු….!

උන්වහන්සේගේ 70 වෙනි ජන්ම දිනය වෙනුවෙන් ලියවුනු ගීතය……

image links

1. http://www.dailynews.lk/sites/default/files/news/2015/11/08/maduluwawe.jpg
2. http://www.virakesari.lk/sites/default/files/field/image/Maduluwawe-Sobitha-thero_2.jpg
3. http://newsfirst.lk/english/wp-content/uploads/2015/11/Sobitha-Thero.jpg
Sourses

1. http://www.newsfirst.lk
2. https://en.wikipedia.org/wiki/Maduluwawe_Sobitha_Thero