එදා 1886 මැයි පළමු දින තම කම්කරු අයිතීන් වෙනුවෙන් සටන් වැදුණු ඇමරිකාවේ චිකාගෝ නගරයේ කම්කරුවන්ට එල්ල කර අසාධාරණ ප්‍රහාරයේ ප්‍රතිපලයක් ලෙස බිහි වූ, ජාත්‍යන්තර මැයි දින සැමරුම් දිනය අදටත් ලොව සාමූහිකත්වයේ බලය විදහා දක්වන අග්‍ර ගණයේ සැමරුමක් ලෙස හැඳින්විය හැකි ය.
රටක ආර්ථිකයේ ශක්තිමත්ම පුරුක ලෙස සැලකෙන කම්කරුවන්ගේ ශ්‍රමදායකත්වය නොමැතිව යාවත්කාලීන වන රාජ්‍යයක් තිබිය නොහැකි ය. ලෝක රටක ආර්ථිකයේ ශක්තිමත්ම පුරුක ලෙස සැලකෙන කම්කරුවන්ගේ ශ්‍රමදායකත්වය නොමැතිව යාවත්කාලීන වන රාජ්‍යයක් තිබිය නොහැකි ය. ලෝක කම්කරු දිනය ලෝකවාසී අප සියලු දෙනාට වැදගත් දිනයක් වනුයේ අප සියලු දෙනාටම ඔවුනගේ සේවාව අත්‍යවශ්‍යය වන බැවිනි. නුදුරු අනාගතයේදී කෘතීම බුද්ධිය මඟින් ගෝලීය නිෂ්පාදන ආර්ථිකය සවිබලගැන්නුව ද කම්කරුවන්ගෙන් තොර නිෂ්පාදන ආර්ථිකයක් අපට සිතීමට නොහැකි තරම් ය. රටක වැඩ කරන කම්කරුවන්ගේ භූමිකාවන් පිළිබඳ කුඩා සිහි කැඳවීමකි මේ, ලෝ වාසී සියලු වැඩ කරන ජනතාවගේ දිනය අපි මෙසේ සමරමු…
සුරත් රේඛා මැකෙනතුරු
කොටන කැටයම් දහස
සිහින පණ ගැහෙන කොට
ගෙතෙන පන් පඬු පැදුර…
වපුරන දහදියෙන්
වැවෙන රන් අස්වැන්න
කපා බත සපයමින්
නිවයි සැම කුසගින්න…
නොනිදන දෙනෙත් බර
දැනෙයි ළතැවුල් ගින්න
රැකුමට දිවි පෙවෙත
රැඳෙයි රැය මුර කුටිය තුළ…
දොලොස් මහ රුහිරු ලා
දහදියෙන් බිම් තෙමන
ඔබේ අයිතිය වයන
දිනක් විය මැයි දිනය…
හුදෙක් මුදල් මතින් චක‍්‍රීකරණය වූ සමාජ වපසරියක් තුල කම්කරුවාව දැකගන්නට හැකිවන්නේ තවමත් තම අයිතිවාසිකම් දිනාගත නොහැකිව ඒ වෙනුවෙන් සැමදා සටන් වදින සමාජයේ අසාධාරණයට ලක්වූ කුලකයක් ලෙසය.නගරයේ කසල බහැර කරන්නගේ හා අපට බත සපයන ගොවියාගේ සිට අකුරු කරන ගුරුවරයා දක්වා වූ වැඩ කරන ජනතාවගේ හෘදසාක්ෂියේ හඬ අවදි කිරීමට අවස්තාව සලසා දෙන මැයි දින සැමරුමේ වටිනාකම පිළිබඳව සාකාච්චාවට බඳුන් කල යුතුම ය. සැණකෙලි සිරියකින් හා මුග්ධ දේශපාලන අතපෙවීම් වලින් කිලිටි වූ මැයි දින සැමරුම යලි වැඩකරන ජනතාවගේ විමුක්තියේ දිනයක් විය යුතුම ය.
Image Courtesy : https://bit.ly/3oWXOPb