මිරිගුව

Share

බිත්ති හතරකින් වටකරගත්
අහිමි ජීවිතය වෙත
හෙලන අංශුමාත්‍ර දර්ශනය ….
සේයාවක බොඳ වුවක් දකිනු වස්
ක්ෂිතිජ ඉම වෙත දෙනෙත් යොමා
කඳුලකට සිරවූ දෙනෙතින්
බලනකල අනන්තය දෙස ….
ගණ හිරු කිරණ සරල රේඛාවක් මත
කෝණයක් සදමින් පතිතව
මවන දිය පිරුණු තෙත් බිම
විඩාබර හදවත මොහොතකට සිසිල් කල ද ….
හිරු මිලිනව යන නිමේෂයේ
වියැකීයන අංශුමාත්‍ර දර්ශනය
නැවත දක්නට හිරු සමගින් හෙට
තවමත් බිත්ති හතරකින් වටවූ
අහිමි ජීවිතයේ හිඳ ……
චක්‍රයකි මගේ සකි
ඔබ දුටුවේ මිරිගුවක් පමණි …..

අටුවාටිකා : බිත්ති හතරකින් දැක්වුයේ මම, ඔබ සාමාන්‍ය ජීව්තයේ අත්දකින අටලෝ දහමේ එන දුක, නින්දා , යස, අලාභ යන සතර කරුණු වේ .මේ සතර කරුණු හමුවේ අප සිහින මවන අහිමි ජීවිතය සතුට, ප්‍රශංසා, යස , ලාභ හිරු කිරණින් උපමා කළෙමි . හිරු සමග අත්දකින මිරිගුව මවනා දිය බිම දුවනා දිවියේ පැසසුම වේ .