හිතේ ලස්සනෙන් කිරුළු පැලඳු ඇය…

Share

අවුරුදු ගානක් පුරාවට, Science faculty එක විදිහට “Freshers welcome” එකේ, එක් සාම්ප්‍රදායික අංගයක් තම යි Miss congeniality – හැමෝ ම අතරින් ජනප්‍රිය ම ගෑණු ළමයා තෝරන එක. මේ අවුරුද්දෙ වාසනා පෙරේරා, ගයාෂා සෝමතිලක, රමීශා වන්නිආරච්චි, හසන්තිකා එරන්දි සහ රමේශා ජයසිංහ තම යි අනිත් අය අභිභවා මුල් තැනට පත් වුනේ.

කොහොම හරි හැමෝගෙ ම සිනහ සතුට මැද්දෙන් කාලය ගෙවිලා බලන් හිටපු දවස උදා වුනා. අන්තිම දවසෙ තිබ්බ ඡන්දයෙන් ජයග්‍රහණය කරලා “Miss congeniality 2015” විදිහට කිරුළු පැළදුවෙ රමීශා වන්නිආරච්චි. සතුට මුළු කැම්පස් එක පුරාවට බෙදා ගන්නත් එක්ක ම මම එයත් එක්ක කතාවකට මුල පිරුවා.

සුපුරුදු සිනහවෙන් මුව සරසගෙන ඇය පිළිතුරු දුන්නා.

12113514_1150292514985518_2059985605857984690_o

  • Top 5 අතරට එන්න මොනවද කළේ?
    මුකුත් ම කළේ නැහැ. ඒත් යාළුවෝ නම් කිව්වා campaign කරමු කියලා.
  • එහෙම කියද්දි හිතුන ද Top 5 අතරට එයි කියලා?
    නැහැ කොහොමත් ම හිතුනෙ නැහැ.
  • මම දන්න විදිහට ඔයා ගොඩක් ම ඡායාරූපකරණයට ජනප්‍රිය යි. එක උදව්වක් වුනා ද?
    ඔව් ඒක ගොඩක් උදව් වුනා.
  • ඒ කියන්නෙ ඡායාරූප නිසා ඔයා ප්‍රසිද්ධ වුනා?
    නැහැ. ඒක මට අනිත් අය ව ගොඩක් දැන ගන්න උදවු වුනා. අනිත් අයටත් මාව දැන ගන්න ඒක අවස්තාවක් වුනා මම හිතන්නෙ.
  • Top 5 ආපු අනිත් යාළුවෝ එක්ක මොන වගේ සම්බන්ධයක් ද තියෙන්නෙ?
    ඒගොල්ලො හැමෝම යාලුවො.
  • ඔයා ගැන යාළුවෝ හදලා කැම්පස් එකේ ගහල තිබ්බ කවි දැක්ක ම මොකද හිතුනෙ?
    ඒවා හරියට ම ගලපලා තිබුනා. මටත් පුදුම යි මම ගැන හිතුන දේවල්.
  • NAT show එකේ දි ඔයාගෙ photos, videos පෙන්නද්දි මොකොද හිතුනෙ?
    හැමෝ ම cheer කරද්දි හරි සන්තෝස යි.
  • ගෙදරින් ලැබුන ප්‍රතිචාර කොහොමද?
    අම්මා නම් කොහොමත් දන්නව මට යාළුවෝ ගොඩක් ඉන්නව කියලා. මොකද පොඩි කාලෙත් යාළුවෝ ගොඩක් හිටියා. අම්මට කුතුහලයක් තිබ්බා මේක තෝරන්නෙ sportsවලින් ද එහෙමත් නැත්නම් Academics ද කියලා. ගෙදර අනිත් අයටත් සතුටු යි.
  • Stage එකට නැග්ගට පස්සෙ මොකද හිතුනෙ?
    දිනන්න නම් කිසි ම බලාපොරොත්තුවක් තිබ්බෙ නැහැ. මොකද Top 5 ආව කියන්නෙ ම සෑහෙන ලොකු දෙයක්. යාළුවෝ මට කැමති යි කියන එක හරි ම සතුටු හිතෙන දෙයක්. හැබැ යි යාළුවෝ නම් කලින් ම කිව්ව මම දින යි කියලා.
  • ඔයා ජයග්‍රහණය කරා කියලා දැනගත්ත ම මොනව ද හිතුනෙ?
    මගෙ නම කිව්වත් හිතුනෙ නැහැ මම කියලා. එ කියන්නෙ එච්චර ඉක්මනට ඒක කිය යි කියලා හිතුනෙ නැහැ. රමීශා වන්නිආරච්ච් ද? කියලා ඇහුව කියලා හිතුනෙ. පස්සෙ වටින් පිටින් කට්ටිය කෑ ගහද්දි යි තේරුනෙ මම දිනලා කියලා.

12109883_1150292498318853_8237417423479690965_o

  • Miss congeniality තරගය පුරාවට ලැබුන අත්දැකීම් කොහොමද?
    ඇත්තට ම මම Video එකකට, මගේ ම photo shoot එක්කට හිටිය පලමු වතාව. එදා මට pose කරන්න වුනා ම යි තේරුනේ ඒකත් ලේසි වැඩක් නෙවෙ යි කියලා.
  • රමීශට මොනව ද කියන්න තියෙන්නෙ අනිත් අයට?
    මගෙ යාලුවො හැමෝට ම ස්තූතිවන්ත වෙනවා අවංක ව ම. හැම stream එකෙ ම අය මට උදව් කළා. ඒ හැමෝට ම ස්තූතිවන්ත වෙන්න ඕන. organizing committee එක අමතක කරන්න බැහැ. photo shoot එක යි video කරපු අයියලට, අපිත් එක්ක හිටපු අක්කලට ගොඩක් ස්තූති යි.

කිසි ම වෙනසක් නැතු ව රමීශා වෙන දා වගේ ම නිහතමානී ව පිළිතුරු දීලා සිනහවෙන් මුව එළිය කරගෙන අපේ කතාව ඉවර කළා. 200ටත් වඩා තරගකාරියන් අතරෙන් ලොකු ජයග්‍රහනයක් ලබපු ඇයට FOS Media අපෙන් උණුසුම් සුබ පැතුම්.