උල්පතක් බඳු වූ අසීමිත සෙනෙහසක්…

Share

ගීත රසිකයන් අතරින් මව් ගුණ ගීතයන්ට ආදරය කරන්නන් බොහෝ ය.මතකයෙන් කිසිදා නොමියන ගීතයක් මෙලෙසින් ගෙත්තම් කරන්නට සිතුණි.මෙහිදී ගී පද පෙළෙහි ඇති ගැඹුරුතම සහ සිත් කාවදින ඒ සොඳුරු වදන් පෙළ මූලාරම්භය ලෙස යොදා ගන්නට ප්‍රේමකීර්ති ද අල්විස් ගීත රචකයාගේ අවධානය යොමු වී ඇත.

‘අම්මා’ යන්නට පරිසමාප්ත අර්ථයෙන් ඉස්මතු කොට අසීමිත වූ සෙනෙහසේ උල්පත ලෙස අරුත් ගැන්වීම මෙම ගීතය  පෝෂණය කිරීමෙහිලා අඩිතාලම වී ඇත.

“ආදරයේ උල් පත වූ අම්මා

මා ඔබගේ පුතු වූ

ඔබ මතු බුදු වන දවසේ…”

ළදරුවකු වූ කාලයේ සිටම අප හදා වඩා ගත් අයුරු මනාව කැටි කොට මෙම ගීතයේ අන්තරා කොටස රචනා වී ඇත.ඒ අතරිනුත් තවත් සිත් ගත් ගී පෙළක් විය.

“ජීවිතයෙන් ජීවිතයක් ගෙන දී

ඒ ජීවිතයට කිරි දී පණ දී

මා දැඩි කල අම්මා”

දස මසක් කුසේ දරා ගෙන මා මෙලොවට බිහි කළා.මා හඬනා විට නැලැවිලි ගීතයෙන් ඒ කඳුලු මකා දමන්නට ඔබ සමත් වූවත් අද මා මෙම ගීතය අසනා විට මාගේ නෙතඟට කඳුලු නැගෙන්නේ එදා තිබූ උල්පතක් බඳු වූ අසීමිත සෙනෙහස අදටත් දලුලාලමින් ඇති නිසාවෙන්දෝ?

ඡායාරූප සඳහා අනුග්‍රහය:

http://www.persiantwitter.com/image/1657324662872695588/100w

 
Tagged :