දැනෙන උණුහුම ළඟදි නුඹගේ

ලබනු බෑ අනෙකුගෙන් එලෙසේ

කරුණා දයාව පිරිපුන් ඔබගේ

ළඟ හිඳුමට මා සිත සැමදා පෙළඹේ

පියමනින කල මා දිවිමඟ දිගේ

නිබඳ සිටියා නුඹ මගේ ලෝකේ

පාළුවක් නෑ කිසි විටක දැනුණේ

සවිය විය නුඹ මගේ දිවියේ

විඩාබර වී පැමිණි කල සැමදා

බලා සිටියි නුඹ පෙරමඟ සදා

මොහොතකට සියලු දොම්නස් හැරදා

සතුටු වෙයි මා එදා මෙන් මෙදා

නොහැක කීමට මෙලෙස පහදා

අපමණ නුඹේ ගුණයන් සදා

මගේ දෙව්දුව නුඹයි සැමදා

නුඹයි මවුනි මගේ ලෝකය සදා

Written by: Lakindu Hasamal

Image Link: https://bit.ly/2OoxFXA