තාක්ෂණයේ නව මංපෙත් සොයාගෙන යන අතුරතුර අපගේ ගමනාගමනයේ පහසුව තව තවත් දියුණු කරවීමට විද්යාඥයන් තවදුරටත් කරනු ලබන අත්හදා බැලීම් අතුරින් මේ උත්සාහය එවැනි එක් සංකල්පමය සොයාගැනීමක් ගැන ඔබව දැනුවත් කිරීමටයි. එය නමින් Nissan Pivo 2 වේ. මෙය 2005 ටෝකියෝ මෝටර් රථ ප්‍රදර්ශනයේ most unusual-looking concept car බවටද පත්වී ඇත. Masato Inoue යනු එක් ප්‍රධාන Pivo නිර්මාණකරුවෙක්, ඔහු පවසන අන්දමට, “අපේ කණ්ඩායම කාර් රථයක නිර්වචනය වෙනස්කළා, Pivo යනු අනාගත මෝටර් රථ තාක්ෂණයේ උච්චතම අවස්ථාවක්”.
අපි දැන් බලමු මොකක්ද මේ Pivo කියන්නේ කියලා. මෙය සම්පුර්ණ විද්‍යුත් කෝෂ මගින් පණගන්වන පරිසර හිතකාමී මෝටර් රථයකි. ඒ වගේම මෙහි ඇති ලොකුම විශේෂත්වය වන්නේ රියදුරු කුටිය පමණක් 360˚ක් කරකැවිය හැකිවීම සහ 90˚ක් කරකැවිය හැකි රෝද සහිත විමයි. එබැවින් මෙයට පිටුපසට ගැනීම සඳහා වෙනම gear එකක් අවශ්‍ය නොවේ. මෙය ඇත්තටම රොබෝ කෙනක්ට සමාන කාර් රථයක් මෙන්ම මෙහි ගමන් කරන විට කිසිදා තනිකමක් නොදැනේ . මන්දයත් රොබෝ සහයකයාත් සමග සංවාදයේ යෙදීමට හැකියාව ඇති බැවින්. එබැවින් සෑම ගමනක්ම වීඩාවකින් තොරව ගමන් කිරීමේ හැකියාව ඇත. ඒ වගේම මෙහි ඇති තවත් විශේෂත්වයක් වන්නේ පැති කන්ණාඩි වෙනුවට මෙහි ඇත්තේ පුළුල් තිර කැමරා 4 ක් වීමයි. එමගින් පිටුපස පමණක් ම නොව වම්පස සහ දකුණුපස ද බලා ගත හැක. එසේම මෙහි වස්තුව ඇති සත්‍ය දුරින් ම , මෙහි ඇති LCD තිරය මත දර්ශනය කරයි.මෙය කියවූ සැනින් ඔබට මෙය නොතේරේවී, එබැවින් පහත ඇති රූප රාමු පෙල නරඹන්න.
මෙම රථය නිපදවා ඇත්තේ ජනාකීර්ණ ප්‍රදේශ වල මෝටර් රථ නවතා දැමීමට ඇති ගැටලුවට පිළියමක් ලෙසට ය. ඉතින් අපි බලා සිටිමු මේ සංකල්පය යථාර්තයක් වී ලෝකයට එලි දක්වෙන තුරු.
References – http://auto.howstuffworks.com
http://www.ultimatecarpage.com