මගහැරුනු නෙත් වලින් අතීතය විමසන්න
සදවතිය ආකාසෙන් මිදී කිමිදී එන්න
එලිනොවෙන පැයක් වුව කමක් නැහැ සිපගන්න
හෙටින් රැය නිමයි රෑ හැගුම් මල් පරවෙන්න

ආදරෙන් උදම් වුන දියෙන් මුව සරසන්න
තදින් බැදි වෙලුම් සෙනෙහස් දියෙන් ලිහවන්න
උණුහුමට හැකියි දෙහදක් සිතින් ඈදන්න
කමා සොදුරේ පමා වලා අතරින් එන්න

සදත් සුරතල් වෙමින් වලා තුරුලේ නිදන
හමා යන සුලං වෙත කියයි රහසින් මෙහෙම
දැවටෙමින් නුබේ නිල් වරලෙන් රටා මවන
තවත් එක් සදක් පායා කිමැයි නොදැනීම

Written by: හැගුම් පන්හිඳ

Image courtesy:
Featured image: https://tinyurl.com/33kr3km8